“Баялаг бүтээгчдийг дэмжинэ”төсөл хөтөлбөрийн хүрээнд Нийслэлийн баялаг бүтээгчдийн үйлдвэрлэсэн бараа бүтээгдэхүүнийг олон нийтэд сурталчлан алдаршуулж буй. Энэ удаа бид Нийслэлийн Хан-Уул дүүргийн баялаг бүтээгч “Наш”ХХК-г танилцуулж байна. Тус компани 2005 оноос хойш өндөгний аж ахуй эрхэлж байгаа бөгөөд үйлдвэрлэлээ өргөжүүлэн Итали улсаас бүрэн автомат тоног төхөөрөмж оруулж иржээ. Ингээд “Наш” ХХК-ийн захирал Т.Далантайтаа ярилцлаа.
- Хэзээнээс өндөгний аж ахуй эрхэлж байгаа вэ?
- Манай компани 2005 оноос үйл ажиллагаагаа эхэлсэн. Тэр цагаас хойш өөрсдийн нөөц бололцоогоо ашиглаж дарааллын дагуу дэд бүтцээ шийдсэн. Улмаар 2013 онд Чингис бондоос 640 сая төгрөгийн санхүүжилт авч Итали улсаас бүрэн автомат тоног төхөөрмж авч өндөгний аж ахуйгаа өргөжүүлсэн. Тус бүрэн автомат тоног төхөөрөмж нь 50 мянган өндөглөгч байршуулах боломжтой. 2005 онд таван мянган өндөглөгчтэй байсан. Цаашид 90 мянган өндөглөгчтөй болохоор зорин ажиллаж байна.
Чингис бондоос 640 сая төгрөгийн санхүүжилт авч Итали улсаас бүрэн автомат тоног төхөөрмж авч өндөгний аж ахуйгаа өргөжүүлсэн
- Өдөрт хичнээн ширхэг өндөг зах зээлд нийлүүлдэг вэ?
- Зах дээлд дунджаар 18-19 мянган ширхэг өндөг нийлүүлж байна. Харин арваннэгдүгээр сард 50 мянган өндөглөгч өндөглөснөөр 40-42 мянган ширхэг өндөг зах зээлд нийлүүлнэ.
Зах дээлд дунджаар 18-19 мянган ширхэг өндөг нийлүүлж байна
- Хөдөө орон нутагт өндөг нийлүүлдэг үү?
- Нийслэлд төдийгүй 18 аймагт өндгөө нийлүүлж байна.
- Иргэдийн хэрэгцээ өдөр ирэх бүр өсөн нэмэгдэж байна. Тэр хэмжээгээрээ та бүгдийн ажилд нөлөөлөх нь гарцаагүй. Цаашдын зорилгоосоо хуваалцахгүй юу?
- Тэгэлгүй яахав. Бид хэрэглэгчдэд өдөр бүр шинэ өндөг хүнсэндээ хэрэглэх боломжийг олгоно. Түүнчлэн цаашид өндгөөрөө майонез болон тахины махаар лаацалсан бүтээгдэхүүн үйлдвэрлэх зорилготой. Мөн түргэн хоолны сүлжээ рестораныг ажиллуулахаар төлөвлөж байна. Аж ахуй эрхэлдэг бид хэрэглэгчдийн санаанд нийцсэн шинэлэг бүтээгдэхүүн үйлдвэрлэхээр ажилласаар байна.
Өндгөөрөө майонез болон тахины махаар лаацалсан бүтээгдэхүүн үйлдвэрлэх зорилготой
- Аливаа үйлдвэрлэл явуулах гол хүчин зүйл бол мэдээж ажиллах хүч. Хичнээн хүнийг ажлын байртай болгосон бэ?
- Манай компани Хан-Уул дүүргийн 13 дугаар хороо Туул тосгоны иргэдийг ажлын байраар хангадаг. Одоогоор 14 хүн ажиллаж байгаа бол үйлдвэрлэл өргөжихөд ажилчдынхаа тоог нэмнэ.
Харилцах утас:99072667, 99760550
