"Алиман сар" ХХК нь 2012 онд байгуулагдан үйл ажиллагаагаа явуулж эхэлсэн. Өнөөдрийн байдлаар дотоодынхоо хүн амын хэрэглээ болсон нарийн боов, талх зэргийг үйлдвэрлэн хэрэглэгчдэд хүргэж байна. Тус үйлдвэрийн хамт олон хүний эрүүл мэндийг дэмжих үйлчилгээтэй түүхий эдийг ашиглан эцсийн бүтээгдэхүүн үйлдвэрлэдгээрээ онцлогтой юм.  Иргэдээ импортын хүнс бараанаас хараат бус байлгахын төлөө ажиллаж буй "Алиман сар" ХХК бүтээгдэхүүний нэр төрлөө олшруулах, борлуулалтаа нэмэгдүүлэх гээд олон төлөвлөгөөнөөс гадна ажлын байраа нэмэгдүүлэх, залуусыг цалинтай орлоготой байлгаж, зөв амьдрах ухаан, ажилдаа хандах сэтгэлгээ зэргийг суулгахын төлөө хичээж байгаа үндэсний үйлдвэрлэгч компани юм. 

Үе үеийн хамт олон, гэр бүл, найз нөхөд, "Баялаг бүтээгчдийг дэмжих холбоо"-ны маань гишүүд хамт олон маш их сэтгэл гаргаж ажилласны үр дүнд энэхүү шагналыг авсан гэж бодож байна.

Н.ДУЛАМ: Миний хувьд Монголын жижиг, дунд үйлдвэрлэл тэр дундаа хүнс үйлдвэрлэлийн салбарт 20 гаруй жил ажиллаж байна. Хүнс үйлдвэрлэлийн салбар өөрөө амаргүй салбар. Хэдий амаргүй салбар ч гэлээ хүнс үйлдвэрлэлийн салбарт олон жил тууштай зүтгэн, сэтгэлээ шингээж ажилласныг минь үнэлж төрийн ийм сайхан одон медалиар шагнасанд талархаж байна.
    Үе үеийн хамт олон, гэр бүл, найз нөхөд, "Баялаг бүтээгчдийг дэмжих холбоо"-ны маань гишүүд хамт олон маш их сэтгэл гаргаж ажилласны үр дүнд энэхүү шагналыг авсан гэж бодож байна.
   Монгол улсад Хүнсний үйлдвэрлэл ямар чухал болох, нэн ялангуяа дотооддоо хүнсээ үйлдвэрлэх нь "Ямар чухал вэ?", "Яагаад хамгийн органик эрүүл хүнс хэрэглэх ёстой юм бэ?" гэдгийг Ковидын үе бидэнд харууллаа. Магадгүй дотоодын үйлдвэрлэл маш чухал гэдгийг үйлдвэрлэгчид, хэрэглэгчид маань бүгдээрээ ойлгосон байх. Та нартаа бүгдэд нь баярлалаа. Аав ээж дээ баярлалаа. Үе үеийн хамт олон удирдлагууддаа баярлалаа 











Нийтэлсэн Г.Лхагвадулам