“Масс  агентлаг”-аас санаачлан хэрэгжүүлж буй “Баялаг бүтээгчдийг дэмжинэ”төсөл хөтөлбөрийн хүрээнд Улаанбаатар хотод үйл ажиллагаа явуулдаг үндэсний үйлдвэрлэгчдээ алдаршуулж байна. Энэ удаа Баянгол дүүргийн баялаг бүтээгч “Эм Жи Энд Эф Эс” ХХК-ийн “1206” брэндийг танилцуулья.  “1206” брэнд нь 2014 оноос эхлэн 100 хувийн дотоодын хөрөнгө оруулалтаар үндэсний үйлдвэрлэлд өөрсдийн хувь нэмрээ оруулсаар байна.

Тус брэнд бэлэн хувцас үйлдвэрлэлийн салбарт өөрсдийн шинэ төслөө Их Монгол улс байгуулагдсан түүхэн оноор бэлэгшээж “1206” хэмээн нэрлэжээ.

 

“1206” брэндийн хамт олон хэрэглэгчдийн хүссэн загвар , материал, өнгө, тоо ширхэгийн өргөн сонголтоор бүх төрлийн оёмол бэлэн хувцасыг үйлдвэрлэн зах зээлд нийлүүлж байна.

Монголын брэндийг амжилттай нэвтрүүлж буй “1206” брэнд нь дотоодын хэрэглэчдэд хэдийнээ танигдаж,тодорхой байр суурийг олжээ. Мөн арав гаруй ажлын байр бий болгосон байна.  Жилд 10000 гаруй бэлэн хувцас оёх хүчин чадалтай үйлдвэр, тусгай захиалгын бэлэн хувцас оёх загварын студитэй бөгөөд чадварлаг загвар зохион бүтээгчид, уран гарт оёдолчдоор багаа бүрдүүлжээ.

Тус компанийн Гүйцэтгэх захирал Э.Гомбын хэлж буйгаар ирээдүйд “1206” брэндийг эх орондоо болон дэлхийн зах зээлд нийлүүлэх зорилготой. Одоогоор 20 гаруй төрлийн бэлэн хувцас үйлдвэрлэж байгаа бөгөөд цаашид нэр төрлөө нэмэгдүүлэхээр ажиллаж байгаа юм.