Хоёр өрөө байраа зарж гэр хороололд 0.07 га газар аван хашаа барьж, гэрт амьдарч эхлэхэд Т.Банзрагчийг олон хүн гайхжээ. Учир нь, тэрбээр хөдөлмөрлөх хэрэгтэй байв. Уйгагүй хөдөлмөрийнхөө үр шимээр өөрийг нь гайхаж байсан хүмүүсийг гайхшруулж чадсан юм. Гэр хороололд тохь тухтай амьдрах нь олонхи иргэдийн мөрөөдөл. Гэхдээ зөв хөдөлж, хөдөлмөрлөсөн хүнд энэ бол тийм ч холын мөрөөдөл биш юм. Тэрээр хашааныхаа гадна талд үндэсний хэв шинжийг агуулсан хээ зурж, өнгө будгийн сонголттойгоор эрээлэн будаж, төрийнхөө сүлдийг залжээ. Үүгээр зогсохгүй хашаа руу ороход өнгө алагласан цэцэгс, эгнүүлэн тарьсан мод бутыг харахад цэцэрлэгт хүрээлэнд ороод ирсэн юм шиг мэдрэмж төрүүлэх нь тэр