ББДХ-НЫ УДИРДАХ ЗӨВЛӨЛИЙН ГИШҮҮН, "БИЛЭГТ ДӨЛГӨӨН" ХХК-ИЙН ЗАХИРАЛ Б.ЭНХ-АМГАЛАН ТӨРИЙН ДЭЭД АЛТАНГАДАС ОДОН ХҮРТЛЭЭ
Б.Энх-Амгалан нь “Баялаг бүтээгчдийг дэмжих холбоо”-г үүсгэн байгуулсан анхдагчдын нэг бөгөөд Монголын жижиг, дунд үйлдвэрлэл, үйлчилгээний салбарынхны эрх ашгийг хамгаалах, тэдний дуу хоолойг сурталчлан таниулахын ажлыг зохион байгуулж ирсэн. Мэдээлэл харилцаа холбооны салбарыг төлөөлөн өдгөө 6 дахь жилдээ тус холбоонд ажиллаж буй Б.Энх-Амгалан нь "БАЯЛАГ БҮТЭЭГЧДИЙГ ДЭМЖИНЭ" төслийг мэдээллийн ивээн тэтгэгчээр дэмжин ажиллаж байна. "Билэгт Дөлгөөн" ХХК-ийн 19001950 Мэдээллийн лавлахын бүртгэлд Монголын мянга мянган өрхийн үйлдвэрлэгч, бичил, жижиг бизнес эрхлэгчдийн дэлгэрэнгүй мэдээллийг байршуулж олон хүнд хүргэж байна.
"Билэгт дөлгөөн" ХХК-ийн Гүйцэтгэх захирал Б.Энх-Амгалан: Энэ сайхан өдөр ажил хөдөлмөрөө үнэлүүлж, төрийн нэр хүндтэй шагнал авсандаа туйлын их баяртай байна. Мэдээлэл харилцаа холбооны салбарт 17 дахь жилдээ амжилттай үйл ажиллагаа явуулж байгаа 1900-1950 лавлахын нийт хамт олны хүч хөдөлмөрийг үнэлж байгаа шагнал болов уу гэж бодож байна. Цаашдаа их зүйлийг хийж бүтээх урам зориг өглөө. Үргэлж дэмжиж байсан хайртай аав ээж, хань үр хүүхдүүддээ баярласнаа илэрхийлье.
Монголын улсын харилцаа холбооны салбарт оруулсан хувь нэмрээ үнэлүүлэн Монгол улсын ерөнхийлөгчийн зарлигаар төрийн дээд “Алтан гадас” одонгоор шагнагдаж байгаа Болдбаатар овогтой Энх-Амгалан танд баяр хүргэж, цаашдын ажилд нь амжилт хүсье.
