"Баялаг бүтээгчдийг дэмжих холбоо"-ноос шинээр байгуулагдсан засгийн газарт Жижиг, дунд үйлдвэрлэгчдийг бодлогоор дэмжих, тэдний эрх ашигт нийцсэн уялдаа холбоотой шийдвэрүүд гаргах, ждү эрхлэгчдийн бизнесийн өнөөгийн нөхцөл байдалд тохирсон бодитой шийдвэр гаргаж Баялаг бүтээгчдийг дэмжих холбооны төлөөллийг хүлээн авч уулзах хүсэлтийг хүргүүллээ.
УИХ-ын 2020 оны ээлжит сонгуулийн дүнгээр байгуулагдсан Засгийн газрыг огцорсон тул "Баялаг бүтээгчдийг дэмжих холбоо"ны зүгээс Монгол улсын 32 дахь ерөнхий сайд Лувсаннамсрайн Оюун-Эрдэнэ болон түүний засгийн газрын бүрэлдэхүүнд орсон шинэ сайд дарга нарт ЖДҮ салбарт тулгараад буй нөхцөл байдалд анхаарч ажиллах болон тус холбооны төлөөллийг хүлээн авч уулзахыг хүсч "Ковид 19-ЖДҮҮ" жижиг, дунд үйлдвэрлэл эрхлэгчдийн цар тахлын үеийн нөхцөл байдлын Үндэсний хэмжээний судалгааг албан хүсэлтийн хамт хүргүүллээ. Мөн Улаанбаатар хотод үйл ажиллагаа явуулж байгаа жижиг, дунд үйлдвэрүүдийн үйлдвэрлэсэн бараа, бүтээгдэхүүнийг сурталчлах, борлуулалтыг нэмэгдүүлэх, ажлын байр шинээр бий болгох, дэвшилтэт техник, технологи, экспортын чиг баримжаатай бүтээгдэхүүн үйлдвэрлэлийг дэмжих замаар хамтран ажиллахыг Нийслэлийн Жижиг, дунд үйлдвэрийг дэмжих төвөөс хүслээ.
Тус холбооны зүгээс өмнөх засгийн газарт албан хүсэлт, зөвлөмж хүргүүлсэн боловч тодорхой шийдвэр хараахан гараагүй. Шинээр байгуулагдсан засгийн газар Монголын баялаг бүтээгч, ЖДҮ, үйлчилгээ эрхлэгчдийн эрх ашиг, үндэсний үйлдвэрлэлээ хөгжүүлж, импортлогч орноос эх орондоо бүтээгч, цаашлаад экспортлогч орон болгохын төлөө Баялаг бүтээгчдийг дэмжих холбооны төлөөлөлтэй уулзаж, хамтран ажиллах шийдвэрүүд гаргана гэдэгт итгэлтэй байна.
ҮНДЭСНИЙ ҮЙЛДВЭРЛЭГЧИД - МОНГОЛЫН БАЯЛАГ
