БАЯЛАГ БҮТЭЭГЧДИЙГ ДЭМЖИХ ХОЛБООНЫ САЛБАР ХОРООН ДАРГА НАРЫН 2-Р ХУРАЛ 2021 ОНЫ НЭГДҮГЭЭР САРЫН 23-НЫ ӨДӨР ОНЛАЙНААР БОЛЛОО.

Хуралд 21 аймгийн 9 дүүргийн нийт 30 салбар хороон дарга нараас 25 дарга, удирдах зөвлөлийн 2 гишүүн оролцож байгаа бөгөөд 27 хүний бүрэлдэхүүнтэй 90 хувийн ирцтэй явагдлаа. 
Хурлаар дараах асуудлыг хэлэлцлээ
       Хөгжлийн төлөөх судалгааны байгууллагын захирал Д.Пунсаа Өнгөрөгч оны сүүлээр 12 дугаар сарын 8-с 12 дугаар сарын 28-ны өдрүүдэд буюу хатуу хөл хорионы үед жижиг, дунд үйлдвэр, үйлчилгээ эрхлэгчдийн бизнесийн нөхцөл байдлыг үнэлэх зорилгоор Нийслэлийн 9 дүүрэг, 21 аймгийн орон нутгийн бизнес эрхлэгчдийн дунд цахим хэлбэрээр судалгаа явуулж 2000 ЖДҮ бизнес эрхлэгчдийг хамруулсан судалгааг Бүх салбар хороон дарга нарт танилцуулав. 
Уг судалгаа маш бодитой, ойлгомжтой, дэлгэрэнгүй их сайн судалгаа болсныг салбар хороон дарга нар дурьдав. Мөн уг судалгааг дан ганц хийгээд орхилгүй цаашаа төр засгийн удирдлагууд, холбогдох яамдын дарга нарт хүртэл нь ажиллах хэрэгтэй гэж шийдлээ. Үргэлжлүүлэн бусад асуудлыг хэлэлцэв