Баялаг бүтээгчдийг дэмжих холбоо /ББДХ/-ноос өнгөрөгч оны сүүлээр буюу 12 дугаар сарын 8-с 12 дугаар сарын 28-ны өдрүүдэд буюу хатуу хөл хорионы үед жижиг, дунд үйлдвэр, үйлчилгээ эрхлэгчдийн бизнесийн нөхцөл байдлыг үнэлэх зорилгоор Нийслэлийн 9 дүүрэг, 21 аймгийн орон нутгийн бизнес эрхлэгчдийн дунд цахим хэлбэрээр судалгаа явуулж 2000 ЖДҮ бизнес эрхлэгчдийг хамруулсан. 
  Судалгаанд оролцогсдын 74 хувь буюу 1480 нь Улаанбаатар хотоос, 26 хувь нь орон нутгийн жижиг дунд үйлдвэр, үйлчилгээ эрхлэгчид байсан бөгөөд тэдгээрт тулгарч байгаа зарим асуудал, шаардлагатай дэмжлэгийн талаар хийсэн "КОВИД 19-ЖДҮҮ" үндэсний хэмжээний санал асуулгын тайлан-г гаргасан. 
    КОВИД 19-ЖДҮҮ" санал асуулгын тайлангийн "ОНЛАЙН ХЭЛЭЛЦҮҮЛЭГ" 2021 оны нэгдүгээр сарын 08-ны өдөр болсон бөгөөд уг хэлэлцүүлэгт Баялаг бүтээгчдийн төлөөлөл, эрдэмтэн докторууд, хуульчид, эдийн засагч, судлаач нар оролцож, санал бодлоо солилцон нэн тэргүүнд авч хэрэгжүүлбэл зохих арга хэмжээнүүдийн талаар  зөвлөмж  гаргасан юм. Уг судалгаан дээр тулгуурлан гарсан зөвлөмжийг холбогдох яамдын сайд, дарга нар , УИХ гишүүн, төрийн 3 өндөрлөгт хүргүүлээд байна. 

ЗӨВЛӨМЖИЙГ ДАРААХ ДАРГА, УДИРДЛАГУУДАД ХАЯГЛАН, 2021 ОНЫ НЭГДҮГЭЭР САРЫН 08-НЫ ӨДӨР ХҮЛГҮҮЛЛЭЭ.

1. Монгол улсын Ерөнхийлөгч Халтмаагийн БАТТУЛГА

2. Монгол улсын Ерөнхий сайд Ухнаагийн ХҮРЭЛСҮХ

3. Улсын Их Хурлын дарга Гомбожавын ЗАНДАНШАТАР

4. Улсын Их Хурлын дэд дарга C.Одонтуяа

5. Монгол Улсын сайд, Засгийн газрын Хэрэг эрхлэх газрын дарга Л.ОЮУН-ЭРДЭНЭ

6. ХХААХҮ-ийн сайд З.Мэндсайхан

7. Жижиг, дунд үйлдвэрийн газрын дарга Я.Эрдэнэсайхан

8. Улсын Их Хурлын Жижиг, дунд үйлдвэрлэлийн дэд хорооны дарга Ж.Бат-Эрдэнэ

9. Улсын Их Хурлын Эдийн засгийн байнгын хорооны дарга Ж.Ганбаатар

10. Үйлдвэржилтийн бодлогын байнгын хорооны дарга Б.Чойжилсүрэн

11. Монгол Улсын Шадар сайд, УОК-ын дарга Я.Содбаатар

12. Нийслэлийн засаг дарга бөгөөд НОК-ын дарга Д.Сумъяабазар

нарын холбогдох яамдын сайд, дарга нар , УИХ гишүүн, төрийн 3 өндөрлөгт хүргүүлээд байна.