“Эрдэнийн шинэ өргөө” ХХК 2013 зөөврийн сууцныхаа салбарт ажиллаж хүний таатай ажиллаж амьдрах нөхцлийг бүрэн хангасан иж бүрэн тохижилттой, орчин үеийн стандартын шаардлагад нийцсэн экологийн хувьд байгаль орчинд хор нөлөөгүй, эдийн засгийн хувьд хэмнэлттэй зөөврийн сууцыг чанарын өндөр түвшинд өнгө дизайны өргөн сонголттойгоор хурдан шуурхай хийж гүйцэтгэж байна.
“Эрдэнийн шинэ өргөө” ХХК-ийн захирал Ж.Бум-Эрдэнэ
-Зөөврийн орон сууцны компани байгуулах болсон шалтгаанаас ярилцлагаа эхлэе?
-Би 2000-2005 оны хооронд зөөврийн орон сууцны үйлдвэрт үйлдвэрлэдэг байсан. Эх орондоо ирсний дараа манайд энэ төрлийн үйлчилгээний эрэлт байсан. Эрэлтийг хангахын тулд 2006 оноос үйл ажиллагаагаа явуулж 2013 онд компаниа байгуулсан.
-Ямар төрлийн бүтээгдэхүүнийг үйлдвэрлэж байгаа вэ?
-Манай компани зөөврийн сууцны үйлдвэрлэл явуулж байна. Уул уурхай, барилга гээд бүтээн байгуулалт явагдаж байгаа бүх газарт манай барилга нь болж очдог.
-Түүхий эд, материалаа хаанаас нийлүүлдэг вэ?
-Түүхий эд, материалаа дотоодын зах зээлээс нийлүүлдэг. Цонх, хаалга гэх мэт бүтээдэхүүнийг эх орондоо үйлдвэрүүдээс авч ашигладаг.
-Танай зөөврийн орон сууцнуудыг ямар газрууд ашиглаж байна вэ?
-Манай бүтээгдэхүүнийг уул уурхайн компаниуд түлхүү ашигладаг. Тухайлбал, "Энержи Ресурс", "МАК", "Эрдэнэс тавантолгой" болон барилга, зам тээврийн бусад компаниуд зөөврийн орон сууцыг ашиглаж байна.
-Зөөврийн орон сууцны давуу тал, онцлог нь юу вэ?
-Хамгийн гол нь зөөж тээвэрлэх, байрлал сэлгэх, нэмж өргөтгөх, зарж борлуулах бүрэн боломжтой. Захиалагчийн хүссэн дизайн, зохион байгуулалтын дагуу манай хамт олон үйлдвэрлэж байна.
-Амины орон сууцыг хэзээнээс үйлдвэрлэж эхэлсэн бэ?
-2012 оноос манай компани амины орон сууцыг үйлдвэрлэж байна. Өмнө нь уул уурхай, барилгын сууцыг үйлдвэрлэж байсан. Зуслангийн айлууд амины орон сууцыг түлхүү авдаг.
-Өнгөрсөн хугацаанд хэдэн амины орон сууыг үйлдвэрлэсэн бэ?
-2012 оноос 30 орчим айл зөөврийн амины орон сууц хийлгэсэн. Амины орон сууц 80-150 м/кв-ын хэмжээтэй хийгдэж байна. Зөөврийн амины орон сууцыг дөрөв давхарлаж барих боломжтой.
-Ямар төрлийн үйлчилгээг үзүүлж байна вэ?
-Манай компани сууцнаас хамааралтай бүх үйлчилгээг хийдэг. Дэд бүтцийн хувьд туслан гүйцэтгэгч компаниудтай хамтран ажилладаг. Тээвэрлэлт, угсралтын ажлыг өөрсдөө хийж хэрэглэгчдэд түлхүүр гардуулах нөхцөлтэй ажиллаж байна.
-Барилгын салбар өвлийн улиралд зогсонги байдалд ордог шүү дээ. Танай үйлдвэрлэлд улирлын шинж чанар нөлөөлдөг үү?
-Төмөр карказан хийцтэй учраас жилийн дөрвөн улиралд угсралтын үйл ажиллагааг явуулах боломжтой. Өвлийн улиралд үйлдвэрийн дотор байранд хйидэг. Бусад үед гадаа талбайд ажилладаг.
-Зөөврийн орон сууцны чиглэлээр үйл ажиллагаа явуулдаг хэдэн компани байна. Тэдгээр байгууллагас танай компани хэрхэн яаж ялгардаг вэ?
-Зөөврийн орон сууцны чиглэлээр үйл ажиллагаа явуулдаг 30 орчим компани байдаг. Бусад байгууллагуудаас загвар дизайн, бат бөх чанараар ялгарахын төлөө манай хамт олон ажилладаг.
Зөөврийн орон сууцны үйдвэрлэл олон улсад хэр өргөн хөгжсөн бэ?
-Бусад улс орнуудад өндөр хөгжсөн. Зөөврийн орон сууцны том хэмжээний үйлдвэрүүд ажилладаг. Амины орон сууц болон хэд хэдэн айлуудын орон сууцыг зөөврөөр барьж угсарч байна.
-Энэ төрлийн үйлчилгээг явуулахад тулгамдаж байгаа асуудал юу байна вэ?
-Үйлдвэрлэгч орон биш гэдэг утгаараа зарим тоног төхөөрөмж дутагдалтай байдаг. Сүүлийн үеийн орон сууцны хандлага өөрчлөгдөж байгаа. Шинэ түүхий эд, материалыг импортоор оруулж ирэхэд хүндрэл их байна. Энэ асуудлыг шийдвэрлэж чадвал зах зээлийн эрэлт, чадварлаг хамт олон манайд байгаа.
"Эрдэнийн шинэ өргөө" компани ойрын хугацаанд ямар зорилт тавин ажиллаж байгаа вэ?
Манай компани дэлхийн стандартад нийцсэн уул уурхайн томоохон угсармал сууцнуудыг үйлдвэрлэх талаар зорилт тавин ажиллаж байна. Импортын зөөврийн орон сууцанд өндөр үнэ төлж авдаг. Тэр их мөнгөний урсгалыг дотооддоо үлдээж баялгийг бий болгох хэрэгтэй.
