"Монголд үйлдвэрлэв-Миний хэрэглээ" аянд МУСТА жүжигчин М.Саранцэцэг нэгдлээ.

М.Саранцэцэг: Энэхүү аянд МУГЖ найз Алтанцэцэгийнхээ дуудлагаар нэгдэж байна. Миний хувьд үндэсний үйлдвэрийн бүрх малгай, Эвсэгийнхээ ноолуураар гоёдог. Одоо залуучууд маань их сайхан, сайхан зүйл хийж монгол брэндээ дэлхийд таниулж байгаад баяртай, бахдалтай байдаг. Бидний залуу үед ч гэсэн манайд гутлын, ноос ноолуурын үйлдвэр их байдаг байсан болохоор массаараа дотоодынхоо бараа бүтээгдэхүүнийг хэрэглэдэг байсан. Оюутан байхдаа монгол дээлээ их өмсдөг байсан учраас одоо ч гэсэн байнга өмсөх дуртай. 

 Үндэсний үйлдвэрийн бэлгийг сонговол маш сайхан бэлэг болж чадах байх

Удахгүй монголын уламжлалт сар шинийн баяр болох гэж байна. Ялангуяа хөгшчүүд маань хүний гар дээр нэг юм тавиад баярлуулчих юмсан гэсэн бодол байдаг шүү дээ. Тэр ч утгаараа бэлэгнээс хэзээ ч татгалзаж чадахгүй. Тиймээс монголынхоо үндэсний үйлдвэрийн бэлгийг сонговол маш сайхан бэлэг болж чадах байх гэж бодож байна.