"Масс агентлаг"-аас санаачлан баялаг бүтээгчдийн шинэ жилийг анх удаа зохион байгуулж байгаа билээ. Нийслэл болон, орон нутагт үйлдвэрлэл эрхлэгч, эх орны баялаг бүтээгчдээ хамруулан нэгдсэн шинэ жилээ хийх гэж буй "Баялаг бүтээгчдийг дэмжих холбоо"-ны Гүйцэтгэх захирал Н.Ганболдоос цөөн зүйлийг тодрууллаа.

-Сайн байна уу, Баялаг бүтээгчдийг дэмжих холбоо нэгдсэн шинэ жилээ зохион байгуулахаар болсон гэсэн. Энэ талаар мэдээлэл хүргээч?

-Баялаг бүтээгчдийг дэмжих холбооноос санаачлан энэ сарын 22-нд нэгдсэн шинэ жилээ Crocus event hall-д зохион байгуулахаар бэлтгэл ажил явагдаж байна. Энэ шинэ жилд маань Монгол орны өнцөг булан бүрт байгаа салбар хороодууд баялаг бүтээгчдээ зохион байгуулж ирж оролцоно. Түүнчлэн манай холбоог дэмждэг, хамтарч ажилладаг  МҮХАҮТ, Зээлийн батлан даалтын сан, төр засгийн байгууллагууд уригдан ирж оролцоно.

-Баялаг бүтээгчдийн шинэ жилд хичнээн хүн оролцох вэ?

-500 хүн оролцоно. Мөн шинэ жилийн үеэр монголын рок, попын алдартай дуучид, уран бүтээлчид ирж баялаг бүтээгчиддээ ая дуугаа өргөнө.

-Энэхүү үйл ажиллагааны бэлтгэл ажил хэр хангагдсан бэ. Хичнээн хүн ирж оролцохоор бүртгүүлээд байна?

-Холбооны удирдах зөвлөлийн гишүүд ажлаа хуваарилж аваад бэлтгэл ажлаа хангаж байна. Ерөнхийдөө бол бэлтгэл ажил хангагдсан гэж хэлж болно. Мөн 400 гаруй баялаг бүтээгч шинэ жилдээ оролцохоор бүртгүүлээд тасалбараа аваад байна. Нэмж хэлэхэд баялаг бүтээгчдийн маань нэгдсэн шинэ жил болоход хэдхэн хоног үлдээд байгаа учраас бүртгүүлж амжаагүй хүмүүсээ яаралтай ирж бүртгүүлээд шинэ жилдээ оролцоорой гэж урьмаар байна.