"Масс агентлаг”-аас санаачилсан “Монголд үйлдвэрлэв-Миний хэрэглээ” аян  өнгөрсөн нэг сарын хугацаанд амжилттай хэрэгжлээ. Тус аянд олон нийтийн сүлжээгээр тавин мянга гаруй хүн идэвхтэй оролцож үндэсний үйлдвэрлэлээ дэмжихийг олон нийтэд уриалсан юм. Тэгвэл тэдгээр хүмүүсийн 8.45 хувь нь үндэсний үйлдвэрлэгч LHAMOUR брэндийн бүтээгдэхүүнийг хэрэглэдэг гэдгээ олон нийтийн сүлжээгээр дамжуулж илэрхийлсэн юм.

Бүтээгдэхүүнээ үйлдвэрлээд удаагүй байгаа хэдий олон мянган эмэгтэйчүүдийг хэрэглэгчээ болгосон тус компанийнханд Масс агентлагийн зүгээс талархал гардууллаа. 

“Масс агентлаг”-ийн Бизнес хөгжил, маркетингийн газрын захирал Б.Энх-Амгалан

-Монголд үйлдвэрлэв-Миний хэрэглээ аянд оролцсон хүмүүсийн хамгийн их хэрэглэдэг бүтээгдэхүүнийг үйлдвэрлэдэг байгууллагуудад талархал илэрхийлж байгаа. Өнөөдрийн байгууллага хэд дэх нь болж байгаа вэ, юугаараа онцлог байсан бэ?

-Манай энэхүү аянд хамгийн олон хэрэглэгчдийг дагуулсан хамгийн онцлог байсан гурав дахь компани дээрээ ирээд байна. LHAMOUR брэнд маань энэ жилийн хувьд маш онцлог байсан. Органик бүтээгдэхүүн үйлдвэрлэдэг, гарааны бизнес шинээр эхлүүлж байгаа болохоор нь сонгосон. Энэ компанийн хамт олондоо ажлын өндөр амжилт хүсье.

“Натурал Эссэншлс” ХХК-ийн Гүйцэтгэх захирал, “LHAMOUR” брэндийг үүсгэн байгуулагч Д.Хулан

-LHAMOUR брэндийн хувьд Масс агентлагаас санаачилсан энэхүү аянд шилдэг таван байгууллагын нэгээр тодорлоо.  Сэтгэгдлээсээ хуваалцаач. Танай бүтээгдэхүүний нийгэмд үзүүлэхийг, хэрэглэгчиддээ хүргэхийг хүссэн гол зорилго юу байв?

-Баярлалаа. Сэтгэл маш өндөр байна. Хамгийн гол нь хэрэглэгчдээсээ ийм шагнал хүртэж байна гэж ойлгож байна. Бидний хамгийн гол зорилго угаасаа л хэрэглэгчиддээ эрүүл, чанартай, бүтээгдэхүүн хүргэх. Тэгэхээр хэрэглэгчид маань өөрсдөө хэрэглээд зогсохгүй цаашаа түгээж байна гэдэг бидний зорилго биелж байна гэсэн үг. Хамгийн дээд зэрэглэлийн түүхий эдээр эрүүл мэндэд тустай өдөр тутамд хэрэглэдэг бүтээгдэхүүн үйлдвэрлэж байгаа.