Үндэсний хөгжлийн газраас эдийн засгийг бүсчлэн хөгжүүлэх, төвлөрлийг сааруулах бодлого боловсруулах ажлын хүрээнд төв аймгийг бүсчилсэн хөгжлийн загвар аймгаар сонгосон. Тэгвэл өнгөрөгч амралтын өдрүүдэд "хөгжлийн түүчээ-төв аймаг" 2018 хөрөнгө оруулагчдын чуулган болон баялаг бүтээгчдийн чуулган төв аймгийн зуунмод хотноо амжилттай зохион байгуулагдлаа. Тодруулбал: Төв аймгийн баялаг бүтээгчид Баялаг Бүтээгчдийг Дэмжих Багц бодлого, Хуулийн төсөл болон өөрсдөдөө тулгамдаад байгаа асуудлуудыг хэлэлцэж хуульд санал бодлоо солилцсон юм.
Хөгжлийн Түүчээ-Төв аймаг баялаг бүтээгчдийн чуулганд төв аймгийн ЗДТГ, ИТХ-ын тэргүүлэгчид, Үндэсний Хөгжлийн Газар, Баялаг Бүтээгчдийг Дэмжих Холбоо, Мэргэжлийн холбоод, Зээлийн батлан даалтын сангийн захиргаа болон Төв аймгийн баялаг бүтээгчид оролцсон юм.
2018 оны 10 сарын 1-ний дотор Баялаг бүтээгчдийг дэмжих багц хуулийн төслийг боловруулж дууссан байх шаардлагатай учир Баялаг Бүтээгчдийг Дэмжих Багц бодлого, Хуулийн төсөл боловсруулах ажлын хэсэг Төв аймгаас эхлэн иргэдийн санал бодлыг сонсож, хэлэлцүүлэг өрнүүлсэн юм. Өнгөрөгч амралтын өдрөөр эхэлсэн хуулийн хэлэлцүүлэг Төв аймгаас эхлэлтэйгээр 21 аймгаар тойрох юм.
