Өвөрханнай аймгийн 19 сумыг тойрч буй Масс агентлагийн хэрэгжүүлж буй Баялаг бүтээгчдийг дэмжинэ төслийнхөн Богд суманд баялаг бүтээгчдийн уулзалт зөвлөгөөнөө зохион байгууллаа.

Богд суманд болсон уулзалтанд Баялаг бүтээгчдийг дэмжих холбооны Ерөнхийлөгч Ч.Даваабаяр, Баялаг бүтээгчдийг дэмжих холбооны Гүйцэтгэх захирал Н. Ганболд, Өвөрхангай аймгийн Богд сумын Засаг даргын  Тамгын газрын дарга Н.Түмэнбаяр, ИТХ-ын дарга Т.Цэндсүрэн, Баялаг бүтээгчдийг дэмжих холбооны Богд сумын салбар хорооны дарга болон сумын 1500 гаруй иргэн, баялаг бүтээгч иргэд оролцлоо.

Өвөрхангай  аймгийн Богд сум нь  1924 онд байгуулагдсан. Хуучнаар Сайн ноён хан аймгийн Ханхөгшин хошуу, Өлзийт хошуу, Хөөвөр, Баяндөхөм, Гүн-ус, Далан, Ялаатай, Ховд гэсэн долоон багийн нийт 1385 өрхийн 5266 хүн амьдардаг. Тус сум нь Өмнөговь аймгийн Булган, Мандал-Овоо, Сэврэй, Баянхонгор аймгийн Баянлэг, Богд, өөрийн аймгийн Баруунбаян-улаан, Төгрөг, Гучин-ус сумдтай хиллэдэг.

Баялаг бүтээгчдийг дэмжих уулзалт зөвлөгөөнд оролцсон иргэд төслийн хамт олонд талархаж буйгаа илэрхийлэн цаашид яаж ажиллах талаар биднээс тодруулж байв. Уулзалт зөвлөгөөнд оролцогсод санал солилцон, нутгийн брэнд бүтээгдэхүүний талаар ярилцсан юм. Төслийн хүрээнд Монгол Улсын 21 аймгаар явахад аймаг төдийгүй сумдад ч  өөрийн гэсэн брэнд зүйл байдгийг онцолъё. Богд сумын иргэд суманд нь уулзалт зөвлөгөөн зохион байгуулсанд талархаж буйгаа хэлээд Баялаг бүтээгчдийг дэмжих холбоонд  12 хүн гишүүнээр элслээ. Баялаг бүтээгчдийг дэмжих уулзалт одоо Баруун Баян-Улаан суманд үргэлжилж байна.