"Баялаг бүтээгчдийг дэмжих холбоо"-ны гишүүд өдөр ирэх бүр өргөжин, хүрээгээ тэлсээр байна. Тэдний нэг бол "Хэв хашмал" ХХК-ийн хамт олон юм. Тус компани 2007 онд анх барилгын салбарт стандартын тулгуур, хэв хашмалыг нэвтрүүлэн улмаар арматурын өндөрлөгчийг өөрийн эх орондоо үйлдвэрлэж эхэлсэн байна. Одоогоор 45 төрлийн арматур өндөрлөгчийг үйлдвэрлэн барилгын компаниудад нийлүүлж байгаа "Хэв хашмал" ХХК барилгыг стандартын дагуу чанартай барихад нэлээдгүй хувь нэмрээ оруулж байгаа бөгөөд бүхий л төрлийн хуванцар бүтээгдэхүүн үйлдвэрлэх боломжтой хамгийн сүүлийн үеийн техник технологийг оруулж ирсэн байна.