“Баялаг бүтээгчдийг дэмжих холбоо”-ны Гүйцэтгэх захирал Ц.Бумцэнд өнөөдөр /2024.01.22/  “Баялаг бүтээгчдийг дэмжих холбоо”-ны Сүхбаатар аймгийн салбар хороон дарга О.Батсайханыг хүлээн авч, уулзлаа. Тэрээр О.Батсайхан нь “Жижиг, дунд үйлдвэрийн кластерийг судалсан нь” сэдвээр докторын зэрэг хамгаалсан бөгөөд тус судалгааны ажлаа ББДХ-нд гардуулан өглөө.

Үндэсний үйлдвэрлэгчид тус судалгааны ажил дээр тулгуурлан үйл ажиллагаагаа өргөжүүлэх, кластераар хөгжих боломжтой учир “Баялаг бүтээгчдийг дэмжих холбоо”-нд судалгааны ажлаа гардуулан өгч, баялаг бүтээгчдийг хөгжихөд өөрийн хувь нэмрээ оруулж байгаа талаараа О.Батсайхан хэллээ.

Тус  судалгааны ажил нь өрхийн үйлдвэрлэгчид, жижиг, дунд үйлдвэрлэл эрхлэгчид, аж  ахуйн нэгжүүд, шинжлэх ухааны боловсролын байгууллага,  гуравласан холбоогоор буюу кластерийн системээр үйлдвэрлэлээ хөгжүүлэх, шинэ инновац бүтээгдэхүүнийг бий болгох, хөрөнгө оруулалтыг татах зэрэг нөхцөлүүдийг бүрдүүлэхэд онцгой ач холбогдолтой юм.