Монгол Улсын Ерөнхийлөгч У.Хүрэлсүхийн санаачилсан "Хүнсний хангамж, аюулгүй байдал" үндэсний хөдөлгөөний хүрээнд "Хүнсний хангамж, аюулгүй байдлыг хангах талаар авах арга хэмжээний тухай" УИХ-ын 36 дугаар тогтоол, Монгол Улсын Их Хурлын түр хорооны 2023 оны 01 дүгээр сарын 11-ний өдрийн 02 дугаар тогтоол болон 2023 оны Засгийн газрын 63 дугаар тогтоолуудын хэрэгжилтийг хангах, төр хувийн хэвшлийн түншлэлийг хөгжүүлэх, дотоодын хүнс, хөдөө аж ахуй, хөнгөн үйлдвэрлэлийн ололт амжилт, туршлага, шинэ инновацыг баялаг бүтээгчдэд танилцуулах, төр засгаас гарсан шийдвэрүүдийг сурталчилсан таниулах, бизнес хоорондын хамтын ажиллагааны сүлжээг өргөжүүлэх, харилцан ашигтай түншлэлийг хөгжүүлэхэд үр дүн үзүүлэх зорилгоор ЕТГ-аас "Баялаг бүтээгч- Бизнес тур" аялалыг зохион байгуулж байна.
Өнөөдөр "Норд роуд" компанийн Хушхан брэндийн самрын үйлдвэрт зочиллоо. Гүйцэтгэх захирал Э.Тайван болон байгууллагын хамт олон баялаг бүтээгчдийг хүлээн авч, компанийн үйл ажиллагааны талаарх танилцуулга, мэдээлэл өгч, санал солилцлоо.
АРГА ХЭМЖЭЭНД:
- Монгол Улсын Ерөнхийлөгчийн зөвлөх Ч.Даваабаяр,
- Зээлийн батлан даалтын сангийн Гүйцэтгэх захиралын түр орлон гүйцэтгэгч С.Цогтсайхан,
- ТХААГ-ын Худалдан авах ажиллагааны хэлтсийн дарга С.Лхамсүрэн,
- ГЕГ-ын Гаалийн хорио цээрийн хэлтсийн дарга Н.Батмөнх,
- ХХААХҮЯ-ны Бодлого төлөвлөлтийн газрын мэргэжилтэн Х.Цэрэнханд,
- "Баялаг бүтээгчдийг дэмжих холбоо"-ны Гүйцэтгэх захирал Б.Энх-Амгалан нар болон 50 гаруй баялаг бүтээгчдийн төлөөлөл оролцож байна.
"Норд Роуд" ХХК-нийн хуш модны самрын үйлдвэр нь 2015 онд байгуулагдан тасралтгүй үйл ажиллагаа явуулж байгаа бөгөөд "Хушхан" брэндийн самар болон самрын идээг үйлдвэрийн аргаар боловсруулан өдөрт 3000тн самрын чөмөг зах зээлд нийлүүлж байна. Байгалийн хуш модны самрыг цэвэрлэх, ангилах, ялгах, бактер устгах ариутгах, савлах гэсэн нийт 9 шат дамжлагаар, самрын идээг цэвэрлэх, ангилах, ялгах, хатаах, хальслах, бактер утсгах ариутгах гэсэн нийт 11 шат дамжлагаар боловсруулан эрүүл, аюулгүй, чанарын шаардлага хангасан бүтээгдэхүүн үйлдвэрлэдэг үйлдвэрийн үйл ажиллагааг Баялаг бүтээгчдэд танилцууллаа.
