Өнгөрсөн жилд дэлхий даяар 5.9 их наяд долларын M&A хэлэлцээр хийгдэж сүүлийн 10 жилийн хугацаан дахь хамгийн дээд түвшинд хүрсэн бол 2022 онд энэ дүн огцом буурлаа.
 
M&A гэдэг нь “Mergers and Acquisitions” гэсэн үгний товчлол бөгөөд нэг компани нөгөө компанийг шууд худалдан авах, нэгдэж шинэ компани байгуулах, эсвэл бизнесээ нэгтгэх үйл явц юм. Тэгвэл энэ онд дэлхий даяарх M&A хэлэлцээрийн хэмжээ жилийн өмнөхөөс 37.9 хувь буурч 3.66 их наяд доллар болсон байна.

Үүний шалтгаан нь геополитикийн хурцадмал байдал, инфляцын түвшний өсөлт нь төв банкнуудыг бодлогын хүүгээ өсгөхөд хүргэж улмаар хүүгийн түвшин нэмэгдэн томоохон компаниуд тэлэх амбицаасаа татгалзахад хүрсэн.
 
Оны хамгийн алдарт M&A хэлэлцээр нь Илон Маск твиттерийг худалдан авсан явдал юм. Гэсэн хэдий ч Илон Маск гүйцэтгэх захирлын албан тушаалаа өгөх гэж байгаагаа мэдэгдсэн.
 
Тэгвэл  SS&C-н судалгаанд хамрагдагсдын 62 хувь нь ирэх онд M&A хэлэлцээр нэмэгдэнэ гэсэн хүлээлттэй байгаа аж. Уг хэлэлцээрийг нэмэгдүүлэхийн тулд тулгарч буй асуудлуудыг шийдэж, хурдасгах хэрэгтэй байгааг мэргэжилтнүүд хэллээ.

Эх сурвалж: Lemon Press