СБХБ-ны Star Venture Programme буюу гарааны бизнесийг дэмжих хөтөлбөр Монгол Улсад албан ёсны нээлтээ 2022 оны 11-р сарын 17-ны өдөр хийлээ. Арга хэмжээний нээлтийн үгийг Цахим хөгжил, харилцаа холбооны яамны сайд Н.Учрал, ЕСБХБ-ны Жижиг, дунд бизнесийн Санхүүжилт, хөгжлийн группийн захирал Надиа Петкова нар хийж оролцогч нарт амжилт хүслээ. Арга хэмжээнд нийт 150 гаруй гарааны бизнесийн төлөөлөл оролцож энэхүү хөтөлбөрт хамрагдах сонирхлоо илэрхийлж байна.
 
Star Venture хөтөлбөрийг дэлхийн 21 оронд хэрэгжүүлж байгаа бөгөөд хамгийн отгон гишүүнээр Монгол Улс нэгдэн орлоо. Хөтөлбөр нь нийт 500 гаруй старт-апыг дэмжсэн бөгөөд үүнээс 90 орчим нь 2019-2022 оны хооронд 370 сая долларын хөрөнгө оруулалт татсан амжилттай байна.

 
Тус хөтөлбөр нь гарааны бизнесийн экосистемийг цогцоор нь дэмжих бодлоготой тул старт-ап бойжуулагчдыг (accelerator) мөн давхар чадавхжуулан ажилладаг. Энэ хүрээнд  Монгол Улсаас МStarts HUB –ыг сонгон, санамж бичиг зурлаа.
 

Эх сурвалж: EBRD in Mongolia