“Нийслэлийн Жижиг, дунд үйлдвэр, үйлчилгээг дэмжих төв” НӨҮГ болон Германы Олон Улсын хамтын ажиллагааны нийгэмлэгийн (GIZ) “Эдийн засгийн өсөлт, бизнес эрхлэлтийг дэмжих” төсөлтэй хамтын ажиллагааны санамж бичиг байгуулах асуудлаар уулзалт зохион байгууллаа. “Эдийн засгийн өсөлт, бизнес эрхлэлтийг дэмжих” төслөөс ЖДҮҮ салбарын мэргэжилтнүүд болон ЖДҮҮ эрхлэгчдийг чадавхжуулахад чиглэсэн олон ажлууд зохион байгуулахаар төлөвлөөд байна.



Энэхүү ажлын хүрээнд хоёр байгууллага хамтран Нийслэлийн Жижиг, дунд үйлдвэр, үйлчилгээний салбарт шинэ технологи, инновацыг нэвтрүүлэх, гадаад улс орнуудад бизнес аялал зохион байгуулж, туршлага судлах, ЖДҮҮ эрхлэгчдийн дотоод хамтын ажиллагааг сайжруулах,түншлэлийг бэхжүүлэх, орон нутгийн ЖДҮҮ эрхлэгчидтэй харилцан туршлага судлах, аялал жуулчлалын салбарын ЖДҮҮ эрхлэгчдэд зориулсан үйл ажиллагааг зохион байгуулах, НЖДҮҮДТ НӨҮГ-ын хэрэгжүүлэх бусад төсөл хөтөлбөрүүдэд санхүүгийн дэмжлэг үзүүлэх зэрэг олон чиглэлээр ажил зохион байгуулахаар боллоо.

Эх сурвалж: jdu.ub.gov.m