Өнөөдөр “Баялаг бүтээгчдийг дэмжих холбоо”-ны ерөнхийлөгч Ч.Даваабаяр инноваци шингээсэн 100 хувь цэвэр ноолууран бүтээгдэхүүнийг монголдоо үйлдвэрлэгч “Buuvee” брэндийг үүсгэн байгуулагч доктор (Ph.D) Р.Бадмаанямбууг  хүлээн авч уулзлаа.
Уулзалтаар “Buuvee” брэндийн бүтээгдэхүүний танилцуулга болон ноолууран бүтээгдэхүүн үйлдвэрлэлийн дотоодын болон олон улсын зах зээлийн сүүлийн үеийн статистик мэдээллийг  доктор (Ph.D) Р.Бадмаанямбуу танилцууллаа.
Зуны халуунд ч өмсөж болох инноваци шингээсэн ноолууран бүтээгдэхүүнийг зах зээлд гаргахын тулд  судалгаа шинжилгээний ажлаас нь эхлүүлээд эцсийн бүтээгдэхүүн хүртэлх үйлдвэрлэлийг бий болгож яваа Р.Бадмаанямбуу доктор “Buuvee” брэндээ олон улсын зах зээлд гаргах зорилготой.
Ердийн ноолууран ээрмэлээс 2 дахин нарийн утсаар ээрч хийдэг “Buuvee” брэндийн бүтээгдэхүүнийг одоогийн байдлаар 10 орчим улсад гаргаж хэрэглэгчтэй болсон байна. Ноолууран бүтээгдэхүүнийг зөвхөн улирлын чанартай өмсдөг гэх ойлголттой байдаг бол инноваци шингэсэн тус брэндийн ноолууран хувцасыг зуны халуунд ч өмсөхөд биед эвтэйхэн хөлөргөхгүй шинж чанартай гэдгийг онцолж Р.Бадмаанямбуу доктор онцолсон юм.