Хилийн чанад дахь Монголчуудын зөвлөл нь 47 улсад үйл ажиллагаагаа явуулдаг томоохон байгууллага юм. Гадаадад ажиллаж амьдардаг нийт 400 гаруй мянган иргэн байдаг. Эдгээр иргэдийн дуу хоолой болсон “ХЧДМЗ” нь идэвхтэй үйл ажиллагаа явуулдагаараа онцлог. Тэгвэл ББДХ Монголын ЖДҮҮ эрхлэгчдийг 7 тэрбум хүний зах зээлд гаргах зорилгынхоо хүрээнд ХЧДМЗ-тэй санамж бичиг байгууллаа.

Энэхүү санамж бичигт Масс академийн гүйцэтгэх захирал Я.Эрдэнэчимэг гарын үсэг зурсан байна. Ингэснээр гадны улсуудад боловсрол эзэмших хүсэлтэй хүүхэд залуус шинэ боломж нээгдэнэ гэж үзлээ.

 ХЧДМЗ нь 2022 оны 07 сарын 22-ны өдөр Ерөнхийлөгчийн ивээл дор томоохон уулзалт зохион байгуулах бөгөөд энэ ажилд ББДХ хамтран ажиллана. Энэ үеэр Монголын ЖДҮҮ эрхлэгчдэд олон сайхан боломж бий болно гэж таамаглаж байна.