ШӨХТГ-ын дэргэд байгуулагдсан Мэргэжлийн нэгдсэн холбоодын зөвлөлийн АНХДУГААР ФОРУМ-д Төрийн арван байгууллага, 120 гаруй ТББ-ын төлөөлөл оролцож байгаа бөгөөд ЖДҮҮ эрхлэгчдийн төлөөллүүд холбогдох албаныхантай тэдгээрийн үйл ажиллагаанд тулгамдаж буй асуудлуудын гарц шийдлээ ярилцаж, санал бодлоо солилцон, хэлэлцүүлэг өрнүүлж байна.
Улмаар тэдгээрийн төлөөлөл "Бидэнд хамгийн их тулгамдаж буй асуудлуудын нэг бол Монгол улс зах зээлийн нийгэмд шилжээд 30 гаруй жил болсон хэдий ч бид төртэйгөө яаж харилцах нь тодорхой болоогүй байна. Мэргэжлийн холбоод хэрхэн яаж төрд дуугаа хүргэх нь ч эрх зүйн орчинд хүрээгүй байна.
Тиймээс УИХ-д өргөн барьсан мэргэжлийн холбоодын тухай хуулийг яаравчлах, төрийн бус байгууллагын тухай хуулийг яаравчлах хэрэгтэй байна. Хуульгүйгээс үүдэн гарч буй сан муу 2 жишээ бий. 2018 онд БОАЖЯ-наас тогтоол гарсан. Тэр нь гялгар уутны зузааныг 0.35 микроб байна гэж заасан ч тэр нь одоо болтол хэрэгжээгүй. Энэ нь биднээс санал авалгүй өөрсдөө зохиосон нь амьдрал дээр хэрэгжихгүй байгаа юм.
Сайн жишээ нь гэвэл стандарт хэмжил зүйн газарт техникийн 50 гаруй хороо байгаа. Ганцхан хороог төрийн бус байгууллага ахалдаг. Сая Шадар сайдын хэлсэнчлэн тэр хороодыг мэргэжлийн холбоонд нь өгөх хэрэгтэй.
Мэргэжлийн хороод нийлээд зөвлөл байгуулсан нь бидний гарах гарц, БИДНИЙ ШИЙДЭЛ боллоо хэмээн бодож байна" гэв.
Ийнхүү ЖДҮҮ эрхлэгчдийн төлөөллүүд холбогдох албаныхнаас үргэлжлүүлэн асуулт асууж хариулт авч байна.
