Нийслэл хотод жижиг, дунд үйлдвэр үйлчилгээ эрхлэгчдийг дэмжих, баялаг бүтээгчдийн нэгдсэн сүлжээг бий болгон тэдний хоорондын хамтын ажиллагааг хангаж бизнесийн таатай орчныг бүрдүүлэх, үндэсний үйлдвэрийн бүтээгдэхүүнийг олон улсын зах зээлд гаргахад дэмжлэг үзүүлэх, нэмэгдүүлэх зорилгоор Баялаг бүтээгчдийг дэмжих холбоо, Нийслэлийн жижиг дунд үйлдвэрлэл үйлчилгээг дэмжих төв хамтран ажиллах санамж бичиг байгууллаа.
 

 

 

    Ч. Даваабаяр Баялаг бүтээгчдийг дэмжих холбооны ерөнхийлөгч: Өнөөдөр нийслэлийн жижиг дунд үйлдвэр үйлчилгээний төвтэй хамтран ажиллах санамж бичиг үзэглэж байна.  Манай холбооны хувьд 21 аймаг 100 гаруй сумаар явж нэвтрүүлэг бэлтгэж олонд таниулах болон хууль эрх зүйн орчинд ч мөн олон ажлуудыг хийж хэрэгжүүлсээр ирсэн. Энэ жилийн хувьд манай баялаг бүтээгчдийг дэмжих холбоо нийслэлийн 9 дүүрэгт илүү ажиллаж байна. Нийслэлийн жижиг дунд үйлдвэрлэл үйлчилгээний төв нь цаашид дүүрэг бүрт байгуулагдахаар төсөл хэрэгжиж байгаа юм байна. Цар тахлын хугацаанд хамгийн их өртсөн салбар бол нийслэл хотод үйл ажиллгаа явуулж байгаа ЖДҮҮ эрхлэгчид. Тиймээс Нийслэлийн Жижиг дунд үйлдвэрлэл үйлчилгээний төвтэй хамтран цаашид ямар гарч гаргалгаа байгаа болон салбар бүрийн мэргэжлийн зөвлөхөөс үнэ төлбөргүй зөвлөгөө мэдээлллийг авч ажиллаж байна. Санамж бичгийн хүрээнд бид бие биенд нь зөвлөгөө өгч туршлага судлуулах, хамтын ажиллагааг нь дэмжих хууль эрх зүйн орчинг бий болгох олон ажлууд хүлээж байна. https://www.facebook.com/BayalagButeegch

  Г.Гангамөрөн НЖДҮҮДТ-ийн НӨҮГ-ын дарга: Нийслэлийн Жижиг дунд үйлдвэрлэл үйлчилгээний төв,  Нийслэлийн өмчит үйлдвэрийн газар хамтран Баялаг бүтээгчдийг дэмжих холбоотой өнөөдөр хамтран ажиллах санамж бичиг байгууллаа. Энэ их ач холбогдолтой өөрөө хэлбэл төрийн байгууллага төрийн бус байгууллагын түншлэлийн хүрээнд хийгдэж буй нэг ажил юм. ЖДҮҮ салбар буюу баялаг бүтээгчид маань цар тахлын хүнд нөхцөл байдлаас нилээд санхүүгийн болон аж ахуйн гэх мэт хүндрэлүүдийг туулаад явж байна. Хамтын ажиллагааны хүрээнд ЖДҮҮ эрхлэгчдийг хүндрэлээс гаргахад нь туслах. Төрийн байгууллага бол төрд шийдвэр гаргах түвшинд дуу хоолойгоо хүргэхэд нь туслах. Төрийн бус байгууллага бол олон нийтэд энэ төрийн болон төрийн бус байгууллагын хамтын үйл ажиллагааны чиглэлээр сурталчлах зэрэг өргөн ач холбогдолтой юм. https://jdu.ub.gov.mn/?fbclid=IwAR0Pn_q2iqaMg6c4tX-PXsUjxL0M5-Rs-D2ib5YUcen-KfYqkwxoYBaMcB0