Баялаг бүтээгчдийг дэмжих холбооны ээлжит оролцогч бол П.Баяржаргал юм. Түүний хувьд Их газрын чулуу ХХК –ийн Адуучин брендийн үүсгэн байгуулагч төдийгүй чадварлаг оёдолчин юм. Их газрын чулуу ХХК нь хувцас үйлдвэрлэлийн салбарт өөрийн гэсэн шинэхэн Адуучин брендийг үйлдвэрлээд 6 жилийн хугацаа өнгөрч байна.  https://www.facebook.com/BayalagButeegch



    Их газрын чулуу ХХК нь 2002 онд үүсгэн байгуулагдсан бөгөөд анх 10 оёдлын машинаар эгчтэйгээ үйлдвэрээ нээж байжээ. Тэр цагаас хойш өнөөдөр тасралтгүй 20 жил Монголын баялаг бүтээгч залуусын төлөөлөл болсон юм.  https://www.facebook.com/aduuchinbrand

  
П.Баяржаргал: Адуучин брендийн нэр нь Монгол улс Монгол хүнийг адуугүйгээр төсөөлөхийн аргагүй тийм учраас энэ нэрийг өгсөн. Түүнчлэн малчид маань дан ганц морь унахаас гадна мотоциклийг өөрсдийн хэрэгцээнд ашиглаж байна. Мотоцикл хамгийн багадаа 50 км цагийн хурдтай явдаг. Энэ үед унаж буй эзэн даарч хөрөх асуудал үүснэ. Тийм болохоор дөрвөн зүг найман зовхист байгаа малчин иргэддээ зориулж энэхүү нэрийг брендийг гаргаж ирсэн. 



   Их газрын чулуу ХХК-ийн Адуучин брендийн үнэнч хэрэглэгчид бол хөдөө орон нутгийн малчин адуучид юм. Тодруулбал байгалийн ямар ч үзэгдэлд малчин хүмүүс шууд малруугаа гардаг. Тиймдээ ч дулаан биендээ эвтэйхэн хувцас хэрэглэлийг өмсөх шаардлага тулгардаг. Үүнийг Адуучин нэрийн хувцас хэрэглэл хангах юм.