Дэлхий даяар цар тахал дэгдсэнээс хойш ОХУ-ын Ерөнхийлөгч Владимир Путин дөрөв дэх удаагаа ард иргэддээ хандан мэдэгдэл хийлээ. 

 

Дөрөвдүгээр сарын 15-ны үдэш хийсэн мэдэгдэлдээ тэрбээр цар тахлыг давах зорилгоор  авч хэрэгжүүлж буй арга хэмжээнүүдийн улмаас хохирол амссан жижиг, дунд бизнесийнхэнд төрөөс санхүүгийн дэмжлэг үзүүлнэ хэмээн амласан байна. 

 

Оросын Ерөнхийлөгчийн мэдэгдсэнээр, хямралын үед ажлын байраа 90 хувь хадгалж үлдсэн байгууллагуудад шууд тусламж олгох гэнэ. Тодруулбал,  ийнхүү ажилтнуудынхаа 90 хувийг хадгалж үлдсэн байгууллагуудад дөрөв болон тавдугаар сарын цалинг улсаас олгох бөгөөд тусламж хүссэн өргөдлийг тавдугаар сараас эхлэн хүлээн авах юм байна. 

 

Түүнчлэн төрөөс авч хэрэгжүүлэх бусад арга хэмжээнүүдийн талаар Путин мэдээлсэн байна.

 

• Дунд болон том аж ахуйн нэгжүүд цалингийн санхүүжилтэд зориулан хөнгөлөлттэй зээл авах эрхтэй болно.

• Мужуудын төсвийг тэнцвэржүүлэх үүднээс 200 тэрбум рубль зарцуулна.

• Хямралын үед хамгийн их хохирол амсч байгаа салбаруудын нэг болох агаарын тээврийн компаниуддаа 23 тэрбум рублийн дэмжлэг үзүүлэхээр болжээ.

• Автомашин үйлдвэрлэл болон газар тариалангийн салбарыг дэмжих боломжийг судлаж үзэхээр болсон байна.

• Хямралын улмаас хохирол амссан салбаруудын жагсаалтад хүнсний бус дэлгүүрүүдийг багтаахаар болжээ.

• Эмч нарт олгож буй нэмэлт цалин урамшууллаас татвар суутгахгүй.

Эх сурвалж: shuud.mn