“Баялаг бүтээгчдийг дэмжих” холбооны Анхдугаар их хурал өнөөдөр Төрийн ордны Их танхимд амжилттай болж өндөрлөлөө. Их хуралд УИХ-ын дарга З.Энхболд. УИХ-ын гишүүн С.Дэмбэрэл, Д.Ганхуяг болон бусад албаны хүмүүс оролцож үг хэлсэн юм. Мөн баялаг бүтээгчдийн төлөөлөл оролцож санал бодлоо хуваалцахын зэрэгцээ Бага хурлын гишүүд болон холбооны Ерөнхийлөгчөө сонголоо.

Тодруулбал “Баялаг бүтээгчдийг дэмжих” холбооны Ерөнхийлөгчөөр төлөөлөгчдийн 100 хувийн саналаар “Масс агентлаг”-ийн ТУЗ-ийн дарга “Баялаг бүтээгчдийг дэмжинэ” төслийн санаачлагч, ”Баялаг бүтээгчдийг дэмжих” холбооны үүсгэн байгуулагч Ч.Даваабаярыг сонгов. Мөн Бага хурлын гишүүнээр 55 хүн сонгогджээ. Ийн нийгмийн шаардлага, баялаг бүтээгчдийн санаачилгаар байгуулагдсан “Баялаг бүтээгчдийг дэмжих” холбооны итгэл, сэтгэл нэгтгэсэн Анхдугаар их хурал өндөрлөлөө. Харин яг одоо үргэлжлүүлэн Бага хурал Төрийн ордны "А" танхимд хуралдаж байна.