“Баялаг бүтээгчдийг дэмжинэ”төслийн хүрээнд “Тайширын гол”компанийг танилцуулж байна.

Тус компани нь 2008 онд үүсгэн байгуулагдсан бөгөөд өнгөрсөн хугацаанд никель нержин хийцийн барилгын материалыг үйлдвэрлэж зах зээлд нийлүүлдэг үндэсний үйлдвэрлэгч юм.

“Тайширын гол” компанийн хамт олон өнөөдрийн байдлаар төмөр хийцийн хашаа хаалга, метал вакум цонх, партешин хана, шалны тэгшилгээ өнгөлгөө будаг, шилэн хана хаалга, шилэн пасадыг чанарын өндөр түвшинд хийж гүйцэтгэж байна.

Тэдний үйлдвэрлэсэн бүтээгдэхүүнийг хэрэглэгчид төдийгүй барилгын салбарынхан андахгүй. Тиймдээ ч нийслэлийн бүтээн байгуулалтад гар бие оролцож барилгын компаниудад бүтээгдэхүүн нийлүүлсээр арав орчим жилийг ардаа үджээ. Тухайлбал “Хурд” групп, “Канто” констракшн, “Алтай” констракшн, “Бодь” групп, “Тэнгэр” таур, “Эм Си Эс” групп зэрэг томоохон байгууллагуудтай хамтран ажилласаар байна.

Сүүлийн жилүүдэд айл өрхүүд ихэвчлэн айраг цагаа, ундны усаа  хуванцар саванд хадгалах болсон. Энэ нь хүний эрүүл мэндэд хортой гэдгийг мэргэжлийн байгууллагаас анхааруулдаг. Тиймээс энэхүү асуудлыг үндэсний үйлдвэрлэгчид соргогоор харж бүтээгдэхүүн үйлдвэрлэж байгаа нь сайшаалтай.

Тус компанийн гүйцэтгэх захирал н.Мөнхчимэг хэлэхдээ “Хуванцар савыг хүнсний зориулалтаар ашигласнаас хүн амын дунд олон төрлийн эмгэг үүсч байгааг хараад сэтгэл эмэзглэсэн. Тиймээс өөрсдийн давуу талаа ашиглаж хүний эрүүл мэндэд сөрөг нөлөө үзүүлэхгүй нөөцийн савыг эх орондоо үйлдвэрлэхээр зорьж үйлдвэрлэлээ эхлүүлсэн”хэмээлээ.

Түүнчлэн цэвэр усны нөөцийн савыг ашиглах зориулалтаас нь хамаарч төрөл бүрийн хэлбэр хийц, багтаамжтайгаар үйлдвэрлэдэг байна.  Хамгийн гол нь никель, нержин материал нь  бат бөх учир хэдэн ч жил болсон өнгө, чанараа алддаггүй давуу талтай. Хэрэв олон жил хэрэглээд элэгдэж, муудсан тохиолдолд тэдэнд хандаж сэргээн завсарлуулах боломжтойг дуулгалаа.

Чадварлаг хамт олны шаргуу хөдөлмөрийн үр дүнд чанартай бүтээгдэхүүн бий болох нь дамжиггүй.  Тиймээс тус компани мэргэжлээрээ таваас дээш жил ажилласан туршлагатай ажилчдаар багаа бүрдүүлсэн бөгөөд тэд бүгд тэгш чадвартай буюу бүх шат дамжлагыг хүн бүр хийж чаддагаараа онцлогтой.