.jpg)
Улсын Онцгой комисс, Нийслэлийн Онцгой комисс 2021 оны нэгдүгээр сарын 16-нд хуралдаж, үйл ажиллагааг нь хязгаарласан зарим чиглэл, салбаруудыг үе шаттайгаар нээх асуудлыг хэлэлцсэн. Энэ хүрээнд өнөөдрөөс эхлэн зарим төрлийн барааны худалдаа, үйлчилгээний тодорхой чиглэлүүдийг халдвар хамгааллын дэглэм, шаардлагуудыг мөрдүүлэн нээхээр шийдвэрлэсэн.
Үүнд:
- цахилгаан бараа,
- тавилга,
- гар утасны төвлөрсөн худалдаа,
- түргэн үйлчилгээний цэг,
- цанын баазын үйлчилгээ зэрэг багтаж байна.
Мөн иргэдийн агаарт гарах, ууланд алхах зэргээр дархлаа, эрүүл мэндэд чиглэсэн үйлдлийг дэмжих хүрээнд зарим цэг, зогсоолын үйл ажиллагааг эргэн хэвийн горимд шилжүүлэх юм.
Нийслэлийн хэмжээнд 2021 оны 01-р сарын 11-ний өдрөөс өндөржүүлсэн бэлэн байдлын зэрэгт шилжиж, 18 салбар чиглэлийн үйл ажиллагаанд нэр дурдан хязгаарлалт тогтоож, бусад бүх төрлийн үйлдвэрлэл, худалдаа, үйлчилгээний үйл ажиллагааг нээсэн. Ийнхүү халдварын тархалтын нөхцөл байдалд хийсэн шинжилгээ, эрсдэлийн үнэлгээ, мэргэжлийн байгууллагуудын саналд үндэслэн үе шаттайгаар нээж байгаа юм. Дараагийн ээлжинд нөхцөл байдлаас хамаарч үлдсэн бүх төрлийн барааны худалдааг нээхээр төлөвлөжээ. Иймд мэргэжлийн байгууллагууд цаашид нээгдэх аж ахуй нэгжүүдэд шаардлагатай мэдээллийг урьдчилан хүргэж, үйл ажиллагаа нээхэд хэрэгцээтэй бэлтгэлийг хангуулах ажлыг зохион байгуулна.
Мөн иргэдийн зорчилт хөдөлгөөний бүртгэлийн QR системийн ашиглалтыг сайжруулах хүрээнд иргэд, ААН-үүдийг мэдээллээр хангах, хариуцлагыг нэмэгдүүлэх, хяналт шалгалтыг эрчимжүүлэхээр тогтов. Дээрх шийдвэрүүдтэй холбоотойгоор Нийслэлийн Засаг дарга бөгөөд Улаанбаатар хотын захирагч Д.Сумъяабазарын А/06 тоот захирамжийн хавсралтад доорх байдлаар өөрчлөлт орж байна.
Үйл ажиллагааг нь хязгаарлах салбар, чиглэл:
Үйл ажиллагааг нь хязгаарлах салбар, чиглэл:
- Хүнсний болон ахуйн хэрэглээнээс бусад барааны худалдаа /бүх төрлийн хувцас, гэр ахуйн бараа, бөс бараа, гоо сайхны бараа, тоглоом/
- Олон нийтийг хамарсан хурал, жагсаал, цуглаан, аялал зугаалга, тэмцээн уралдаан, хурим найр, цайллага, хүлээн авалт
- Бүх төрлийн баар
- Өргөтгөсөн болон үзэсгэлэн худалдаа
- Цахим болон бүх төрлийн тоглоомын үйлчилгээ
- Спортын арга хэмжээ /заал, фитнес, бүжиг, иогийн клуб/
- Саун, бассейн
- Шашны зан үйл /гандан, сүм хийд, мөргөлийн газрууд/
- Урлаг соёл, үзвэр үйлчилгээ
- Үсчин, гоо сайхан, хумс засал
- Бариа засал, массажны газар, алжаал тайлах төв
- Амралт, жуулчны бааз, зочид буудал, дэн буудал
- Нийтийн халуун ус
- 5-аас дээш хүнтэй танхимын болон үйлдвэрлэлийн сургалт
Эх сурвалж:https://ikon.mn/
