ЛИДЕРҮҮДИЙН БАГ

ББДХ-оос 2017-2018 онд үйл ажиллагаагаараа тэргүүлсэн шилдэг салбар хороог  шалгаруулан шагнаж, урамшууллаа.
  Аймаг орон нутгийнхаа баялаг бүтээгчдийг дэмжиж олон талт ажлыг зохион байгуулсан ББДХ-ны Сүхбаатар аймаг дахь салбар хороон дарга О.Батсайханыг "Хүнс хөдөө аж ахуйн яамны хүндэт жуух"-аар, нарийн бичиг Ж.Цогзолмааг "Баялаг бүтээгч" медалиар тус тус шагнасан байна. Шагналыг ББДХ-ны удирдах зөвлөлийн гишүүн, гүйцэтгэх захирал Ч.Мөнхтөр Сүхбаатар аймагт ажиллах үеэрээ гардуулан өглөө.
ББДХ-ны Сүхбаатар аймаг дахь салбар хороо 2015 онд байгуулагдсан бөгөөд өдгөө аймгийнхаа 300-аад баялаг бүтээгчдийг эгнээндээ нэгтгэжээ. Мөн Сүхбаатар аймгийн бүх сумдуудад салбар хороогоо амжилттай байгуулсан төдийгүй аймаг орон нутгийнхаа баялаг бүтээгчдийн бизнесийн үйл ажиллагааг бодитоор дэмжсэн олон талт ажлуудыг зохион байгуулсаар байна. Тус салбар хороо 2018.04.20-ний өдөр Баялаг бүтээгчдийн гуравдугаар зөвлөгөөнөө амжилтай зохион байгуулсан.  Хоёр  өдрийн турш үргэлжилсэн  зөвлөгөөн  баялаг бүтээгчдэд зориулсан Төсөл боловсруулах арга зүй, Зах зээлд дутагдалтай бизнес, статистик судалгаа, түүний ач холбогдол сургалтууд болон  13 сумын  баялаг бүтээгчдийг хамруулсан уралдаан тэмцээн зохион байгуулж шилдгүүдээ шалгаруулсан. Түүнчлэн   иж бүрэн таван ханатай гэр, эмчилгээний зардал зэргээр орон нутгийнхаа иргэдэд бодит дэмжлэгийг үзүүлсэн хандивын аян зохион байгуулж баялаг бүтээгчдээ бүхий л чиглэлд дэмжин ажиллахаа илэрхийллээ.
Салбар хороон дарга О.Батсайхан  цаашид аймаг орон нутгийнхаа баялаг бүтээгчдийг сургалтад хамруулан хөгжүүлэх тал дээр илүү анхаарч ажиллана гэдгээ  зөвлөгөөний үеэр онцолж байлаа.