400 гаруй жилийн өмнөөс таслалгүй өдийг хүртэл уламжлан ирсэн говийн их  маарамбуудын жор дамжлагыг 10 дахь үеийн шавь хүний гавъяат эмч П.Баатар үргэлжлүүлэн Одь тан эмийн үйлдвэрийг байгуулжээ. Монгол уламжлалт анагаах ухааны эм, тан, хүнс, биологийн идэвхит бүтээгдэхүүнийг үйлдвэрлэн гаргаж дотоодын зах зээлд нийлүүлж байгаа бөгөөд одоо тус эмийн үйлдвэрт 4 төрлийн цай, 100 орчим эм тан, мөн эрүүл мэндийн гоо сайхны бүтээгдэхүүнийг үйлдвэрлэж байна.

Орчин үеийн анагаах ухаанд шийдэхэд төвөгтэй байгаа зарим өвчнийг эмчлэх оношлох, урьдчилан сэргийлэхэд уламжлалт анагаах ухааны арга бий болгоход тодорхой ажлуудыг хийж байна. Ингэхдээ дэлхийн анагаах ухааны үзэл баримтлалыг шинэ түвшинд гаргах Дээд эрүүл мэндийн онол хэмээх эмнэл зүйн шинэ аргыг монголд анх удаа боловсруулжээ.Одь тан эмийн үйлдвэр нь уламжлалт эмийн үйлдвэрлэлд тавигдах шаардлага MNS 5524-3 – 2015 стандартын дагуу баригдсан бөгөөд сүүлийн үеийн тоног төхөөрөмжийг үйлдвэрлэлдээ нэвтрүүлжээ. Тус эмийн үйлдвэр үндсэн 3 хэсгээс бүрдэх бөгөөд үйлдвэрийн шат дамжлага болгонд ISO 9001: 2015, GMP шаардлагын дагуу үйлдвэрлэл явагдаж байна. 

Уламжлалт эм, бэлдмэл нь хүний биеийн дархлааг өндөрсгөж үсэрхийллийг удаашруулах ач холбогдолтой ба Одь тан эмийн үйлдвэрт ядаргаа тайлах, дархлаа сайжруулах, эрүүлжүүлэх 4 төрлийн цай үйлдвэрлэгдэж байгаа юм.