Монголын уламжлалт гар урлал болох зээг оёдлоор 100 метрийн урттай эсгий “Монголын нууц товчоо”-г Хан-Хэнтийн гар урчууд хамтран урлаж эхэлсэн билээ. Ингэхдээ Чингис хааны амьдрал, ахуй, тухайн үеийн монгол түмний аж амьдрал, ёс заншлыг харуулсан. Бүтээлд монгол зураг, монгол үндэсний хээ угалзыг хослуулан хийж буйгаас гадна эртний буган чулуу, хадны сүг зураг оруулж байгаа юм. Уран бүтээлчид одоогоор  100 метр эсгийн дээр оёх ажил төгсгөлийн бүлэг дээрээ явж байна. Энэхүү үйлсэд одоогоор 1200 гаруй баялаг бүтээгчид, иргэд хөдөлмөрчид учиг шингээгээд байна. Өнөөдрөөс Ховд, Увс, Говь-Алтай, Баянхонгор, Өвөрхангай аймгуудын баялаг бүтээгчдийн урилгаар очиж ажиллахаар бүтээлээ аван замд гарлаа. Алтан шар зам нь өлзийтэй байг.

Энэхүү бүтээл нь Гиннесийн номонд болон ЮНЕСКО-ийн өвд бүртгэгдэх түүхэн цаг улам ойртсоор байна.

МОНГОЛЫН БАЯЛАГ БҮТЭЭГЧДИЙГ ДЭМЖИХ ХОЛБОО