Үндэсний баялаг бүтээгчдийн цувааг энэ удаа зуух, халаалтын сантехникийн угсралт хийдэг “Бадамлах гурван сайхан” ХХК үргэлжлүүлж байна. Удам дамжсан инженерүүдийн ур ухаан шингэсэн бүтээгдэхүүнийг үйлдвэрлэдэг тус хамт олонд хийж бүтээсэн зүйл их.

Анх 50-100 м.кв талбайг халаах хүчин чадалтай зуухыг хийдэг байсан бол жил ирэх бүр зуухныхаа хэлбэр хэмжээ, хүчин чадал, өнгө үзэмж чанарыг сайжруулсаар иржээ. Тэд одоо 50-1000 м.кв талбайг халаах хүчин чадалтай нам даралтын зуух, 500 м.кв талбайг халаах цахилгаан зуух хийж байна.

Тэдний бүтээгдэхүүний давуу тал нь алсын зайнаас удирдаж болдог юм. Та гэртээ очихоосоо нэг цагийн өмнө гэрээ халаах хэрэгтэй бол кноп дарахад л хангалттай. Тиймээс энэ зуух нь эрэлт ихтэй байдаг аж.  Мөн тэд зуухныхаа төмрийг өөрсдөө хайлуулж бэлддэг учраас чанартай байж чаддаг юм.

О.Туяа