Дэлхийн жижиг, дунд бизнес эрхлэгчдийн гуравны хоёр нь тааруу орлоготой байгаа тул бизнесээ хадгалж үлдэх, орлогоо нэмэгдүүлэх, цар хүрээгээ тэлэхийг эрмэлзэж байгаа тухай Дэлхийн эдийн засгийн форумаас гаргасан тайланд дурджээ. Дэлхий даяарх ЖДҮ эрхлэгчдийн тал хувь нь боловсон хүчний асуудалтай тулгарч байгаа аж. Тухайн ажлын байранд тохирсон хүн олох, боловсон хүчнээ удаан, тогтвортой ажиллуулах, чадварыг нь дээшлүүлэхэд ихээхэн бэрхшээлтэй байгаа талаар Сингапурын үндэсний их сургууль, ДЭМБ-тай хамтран хийсэн судалгаагаар гарчээ.

Тус судалгаанд хамрагдсан ЖДҮ эрхлэгчид байгууллагын дотоод соёл, технологийн эрэлт хэрэгцээг хангах, санхүүжилтийн хүртээмжтэй бус байдал зэрэг тэдний өсөлтөд саад болж байна гэж үзжээ. Мөн инфляц, зээлийн хүүгийн өсөлт, Орос Украины сөргөлдөөн ЖДҮ эрхлэгчдийн байдлыг улам доройтуулж байгаа аж.

Тиймээс жижиг, дунд бизнес эрхлэгчид ашиг орлогоо нэмэгдүүлж, санхүүгийн тогтвортой байдалд хүрэхийн тулд дотоод зохион байгуулалтаа сайжруулж, зөв төлөвлөгөө боловсруулж ажиллах шаардлага тулгарч байгаа тухай Дэлхийн эдийн засгийн форумаас мэдээлжээ.

Source: THE NATIONAL NEWS