Энэ сарын 26, 27, 28-ны өдрүүдэд намрын хамгийн том үзэсгэлэн худалдаа Мишээл-Экспо худалдааны төвд зохион байгуулагдахаар байна. Бүх төрлийн бараа бүтээгдэхүүнийг нэг дороос авах, худалдан борлуулах боломжтой тус үзэсгэлэн худалдаанд гадны болон дотоодын үндэсний үйлдвэрлэгчдийн бараа бүтээгдэхүүн болох хичээлийн хэрэгсэл, эрэгтэй эмэгтэй бэлэн хувцас, гутал, гоо сайхан, гоёл чимэглэл, гэр ахуй, аялал жуулчлал, цүнх, үүргэвч барилгын материалын худалдаа явагдах юм байна. “Экспо-Турк 2022” нэртэйгээр зохион байгуулагдах тус үзэсгэлэн яармагт Турк улсад үйлдвэрлэгдсэн олон төрлийн барааны худалдаа явагдах бөгөөд энэ жил зохион байгуулагчдын зүгээс дотоодын үйлдвэрлэл үйлчилгээ эрхлэгчдээ дэмжиж ажиллаж байгаагаа онцолж байна.Тодруулбал: Цар тахлын дараа эдийн засаг хүндрэлтэй байгаа энэ үед "Баялаг бүтээгчдийг дэмжих холбоо"-ны гишүүн аж ахуйн нэгж байгууллагуудад үзэсгэлэн худалдааны талбайн түрээсийн үнээс 50 хувийг хөнгөлөх юм.
Тиймээс "Баялаг бүтээгчдийг дэмжих холбоо"-ны зүгээс нийт гишүүн үндэсний үйлдвэрлэгч, баялаг бүтээгчдээ тус үзэсгэлэн яармагт идэвхтэй оролцож бараа, бүтээгдэхүүнээ олон нийт, хэрэглэгчдэд сурталчлан таниулахыг уриалж байна.