Зуун мянга гаруй гишүүд дэмжигчидтэй “Баялаг бүтээгчдийг дэмжих холбоо”-ны Удирдах зөвлөлийн гишүүн, хүнс нийтийн хоолны тоног төхөөрөмж үйлдвэрлэлийн “Бүрэн цутгамал” компанийн үүсгэн байгуулагч Б.Батдэлгэр барилга угсралтын салбарт ажилласан хөдөлмөр, зүтгэлээ үнэлүүлж Монгол Улсын Ерөнхийлөгчийн зарлигаар төрийн дээд шагнал “Алтангадас” одонгоор энгэрээ мялааж, төрдөө үнсүүллээ. 

ББДХ-ны удирдах зөвлөлийн гишүүн, “Бүрэн цутгамал” компанийн үүсгэн байгуулагч Б.Батдэлгэр: Өнгөрсөн хугацаанд хийж бүтээсэн ажлаа үнэлүүлж, Монгол Улсын Ерөнхийлөгчийн зарлигаар “Алтан гадас” одон хүртсэндээ баяртай байна. Баялаг бүтээгч, ЖДҮ эрхлэгчдийн төлөө холбооны гишүүдтэйгээ нэгэн сэтгэл зорилгоор хамтран ажилласны үр дүн гарч байна гэж харж байна.  Монгол улсынхаа хөгжил дэвшилд хувь нэмрээ оруулж, улам их амжилт гаргахын төлөө, импортлогч орноос экспортлогч орон болтол бид бүхэн хичээн зүтгэх болно. Цаашид баялаг бүтээгч, ЖДҮ эрхлэгчдийнхээ хууль эрх зүйн орчныг тодорхой болгох, тэдний зөрчигдсөн эрхийг сэргээхэд хувь нэмрээ оруулна гэж бодож байна.

Нийтэлсэн Г.Лхагвадулам