Одоогоос 6 жилийн өмнөх энэ өдөр “Баялаг бүтээгчдийг дэмжих холбоо” гэх нэгэн айл өрхөө татаж, үүдээ нээсэн нь Монгол орны өнцөг булан бүрт суугаа Үндэсний үйлдвэрлэгч, жижиг дунд үйлдвэрлэгчдийн болоод баялагийг бүтээгчдийн түүхэнд цоо шинэ үзэгдэл байсан юм.
Өнөөдөр манай холбоо олон мянган гишүүдийг эгнээндээ нэгтгэсэн, үндэсний хэмжээний, хараат бус, мэргэжлийн холбоо болон өргөжиж, үйл ажиллагаагаа өргөн цар хүрээнд явуулдаг болоод байна.
Алтайн өндөр уулсаас Дорнын уудам тал хүртэл, Хөвсгөлийн гүн цэнхэр нуураас өмнийн шаргал говь хүртэл эгнээгээ тэлэн өргөжсөн холбооныхоо үүсгэн байгуулагч журмын олон нөхөд, бидэнтэй үйлс зорилго, алсын хараа, үнэт зүйлээрээ эвлэлдэн нэгдсэн нийт гишүүд, манай идэвхтэй үйл ажиллагааг байнга дэмждэг дэмжигчид, хамтран ажилладаг байгууллага, хувь хүмүүстээ 5 жилийн ойн баярын мэнд дэвшүүлье.
Жижиг, дунд үйлдвэрлэлийн салбарын хөгжил дэвшил, монголын мянга мянган өрхийн үйлдвэрлэгч, жижиг дунд бизнес эрхлэгч нарынхаа нийгмийн баталгааг дээшлүүлэхийн төлөө БидХамтдаа.
"ҮНДЭСНИЙ ҮЙЛДВЭРЛЭГЧИД – МОНГОЛЫН БАЯЛАГ"
Хүндэтгэсэн,
“БАЯЛАГ БҮТЭЭГЧДИЙГ ДЭМЖИХ ХОЛБОО”-НЫ ЕРӨНХИЙЛӨГЧ Ч.ДАВААБАЯР БОЛОН УДИРДАХ ЗӨВЛӨЛИЙН ХАМТ ОЛОН
