Бизнес эрхлэгчиддээ зориулж "Ковид-19 цар тахлын улмаас эдийн засагт үүссэн хүндрэл, бэрхшээлийг бууруулах, бизнес эрхлэлтийг дэмжих, ажлын байрыг хадгалах зорилгоор авч хэрэгжүүлэх зарим арга хэмжээний тухай” УИХ-ын тогтоолын төслийг засгийн газраас санал авахаар өргөн барилаа.
Энэхүү мэдээлийг УИХ гишүүн Хассуурийн Ганхуяг өөрийн цахим хуудаснаа ийнхүү нийтэлжээ:
Он гарахын өмнөхөн Бизнес эрхлэгчиддээ зориулж "Ковид-19 цар тахлын улмаас эдийн засагт үүссэн хүндрэл, бэрхшээлийг бууруулах, бизнес эрхлэлтийг дэмжих, ажлын байрыг хадгалах зорилгоор авч хэрэгжүүлэх зарим арга хэмжээний тухай” УИХ-ын тогтоолын төслийг УИХ гишүүн Г.Дамдинням, Г.Амартүвшин нарын хамтаар засгийн газраас санал авахаар өргөн барилаа.
1. Засгийн газраас санал авсны дараагаар тогтоолын төслийг УИХ-д яаралтай горимоор өргөн барьж хэлэлцүүлнэ.
2. МҮХАҮТ, УБ-ын худалдааны танхим болон бусад бизнес эрхлэгчдийн дунд явуулсан судалгаагаар 60 гаруй хувь нь цар тахлын үеийн гол хүндрэл нь зээл болон хүүгийн дарамтын асуудлыг нэрлэсэн байна.
3. Өнөөдөр 60 мянга орчим бизнес эрхлэгчид 8 их наяд төгрөгийн зээлийн үлдэгдэлтэй байна.
4. Хэдийгээр зээлийн хугацааг сунгаж, үндсэн төлбөрийг төлөх хугацааг хойшлуулж байгаа хэдий ч зээлийн хүүг төлөхийг шаардаж байгаа нь хөл хорионы нөхцөлд ямар ч үйл ажиллагаа байхгүй, орлогогүй болсон бизнес эрхлэгчдэд маш хүндээр тусаж байна.
5. Тогтоолын төсөл батлагдсанаар бизнесийн зээлийг хойшлуулахын сацуу зээлийн хүүг хөнгөлж өгөх юм. Зээлийн хүүгээ хөнгөлүүлснээр ажлын байраа хадгалах боломж нээгдэхээс гадна эргэлтийн хөрөнгөө санхүүжүүлэх боломж бүрдэх юм.
6. Бид баялаг бүтээгчид, бизнес эрхлэгчидээ дэмжиж, ажлын байрыг аль болох хадгалж авч үлдэх естой.
