Сургалт судалгааны "Полиси" төвийн захирал Г.Эрдэнэгэрэл "Олон нийтийн байгууллагын менежментийн шинэ чиг хандлага" сэдвээр "Баялаг бүтээгчдийг дэмжих холбоо"- ны удирдах албан тушаалтнуудад зориулан сургалт явууллаа. Түүний илтгэл өнөөдрийн сургалтын хамгийн сонирхолтой сэдэв байсан. Учир нь ямарваа нэгэн бизнес эрхэлнэ гэдэг бүгдээрээ нэгдмэл байж нэгэн зорилгын төлөө явахын нэр гэсэн юм. Тиймээс нэн түрүүнд сэтгэлгээгээ өөрчилж нэгдмэл зорилгоор урагшлах шаардлагатай гэв.

-Олон нийтийн байгууллагын менежментийн шинэ чиг хандлага гэж яг юу юм бэ. Яагаад заавал шинэ чиг хандлагаар үйл ажиллагаагаа явуулах ёстой гэж?

-Баялаг бүтээгчдийг дэмжих холбоо гэдэг байгууллагын маань үндсэн зорилго нь монголын баялаг бүтээгчдийг дэлхийд гаргах зорилготой. Түүнчлэн монголын баялаг бүтээгчид цаашид монголыг авч явнаа гэдэг итгэл үнэмшилтэй байгуулагдсан гэж харж дүгнэж байгаа. Тэгэхээр энэ чиг хандлагаар цаашид өрсөлдөхийн тулд дэлхийд нийцсэн менежмент арга барилаар ажиллах нь үр дүнтэй байх.

Дэлхийд нийцсэн менежмент арга барилаар ажиллах нь үр дүнтэй

-Тэгвэл орчин үеийн хандлага гэж яг юу юм бэ?

-Орчин үеийн чиг хандлагад маш олон зүйл орно л доо. Өнөөөдөр ББДХ-нд ярьсан гол зүйл маань сэтгэлгээний хувьд бид зайлшгүй өөрчлөгдөх, шинэчлэгдэх шаардлага байна шүү гэдгийг л хэлмээр байна. Яагаад гэхээр бүх л улс орнууд соёл, өв уламжлал, амьдралын хэв маягаараа дархлагдчихсан байж байгаа юм. Тэгэхэээр гадагшаа олон улсад танигдахын тулд тэдний сэтгэлгээ, тэдний хэв маягт зайлшгүй суралцах ёстой.