Үндэсний аж үйлдвэрлэлийн зөвлөлөөс тендерийн хуулийн талаар өнөөдөр хэвлэлийн хурал хийлээ.
Бид Тендерийн хуулийг  бол оффшорчдыг бэлддэг хууль гэж үзэхэд хүрээд байна.  Сүүлийн 27 жил үндэсний үйлдвэрлэлээ ор тас мартсан.  Үйлдвэрлэл эрхлэе гэхээр маш их татвар авдаг. Тендерийн хуулийг  үндсээр нь өөрчилж өгөхийг шаардах цаг нэгэнт болжээ. Үйлдвэрлэгчид босох цаг болсон. 9 сар гаргаад 1000  үйлдвэрлэгчдийг цуглуулж, жагсаал цуглаан хийхээр төлөвлөөд байна. Төсвийн 20 их наяд төгрөгийг гадаад руу гаргамааргүй байна.
ҮАҮЗ-ийн ажлын албаны дарга А.Энхцэцэг 
"ҮАҮЗ бол 40 гаруй компани 200 гаруй холбоодыг эгнээндээ нэгтгэсэн байгууллага. Бид үйлдвэрлэгчдийн эрх ашгийг хамгаалдаг. Үндэсний аж үйлдвэрлэлийн зөвлөлөөс: Бид хувьдаа "тендер"-ийг үнэн шударгаар болдог гэдэгт итгэхийг хүсч байсан. Харин үнэлгээний хорооны гишүүнээр элссэнийхээ дараа нэг ч хуралдалгүйгээр, гишүүн  миний гарын үсэггүйгээр  мэргэжилийн бус компанитай гэрээ байгуулчихсан байгааг мэдээд үүнтэй эвлэрч чадахгүйд хүрээд байна. 
"Чиглэл" ХХК-ийн ерөнхий захирал Ц.Бумцэнд  Энэ жил найман тендерт оролцоод үйлдвэрлэгч компаний хувьд амжилт олсонгүй. Тендерт аль өндөр авилгал өгөх гэж уралддаг. Өндөр авилгал авах гэж зүтгэдэг болжээ.  Үйлдвэрлэх бүтээгдэхүүний үнийн дүнгээсээ авилгал өгчихсөн болохоор хамгийн чанаргүй хог новшийг үйлдвэрлэдэг компаниуд байна. Хүүхдүүдийн хоол хийх савыг хийх гэж нохойны эдүүр шиг тогоо тэд нийлүүлдэг. Мэргэжлийн компаниуд энэ тендэрт ялсангүй яагаад гэвэл авилгал өгөөгүй учир. Бидний оронд нь  аялал жуулчлалын компани ялсан байна лээ.