Масс агентлагийн хэрэгжүүлж буй Баялаг бүтээгчдийг дэмжинэ төслийн хамт олон орон нутагт баялаг бүтээгч иргэдийн уулзалт зөвлөгөөнийг зохион байгуулж байна.  Баялаг бүтээгчдийг дэмжинэ төсөл, Баялаг бүтээгчдийг дэмжих холбооныхон Өвөрхангай аймгийн 19 суманд ажиллаад дуусах шатандаа орж байна. Уулзалт зөвлөгөөн Бат-Өлзий суманд болж, санал бодлоо баялаг бүтээгч иргэдтэй хуваалцлаа. Иргэндээ хүрсэн төсөл хэрэгжүүлж буй манай хамт олонд орон нутгийн иргэн талархал илэрхийлж, амжилт хүсэв.

 

  Баялаг бүтээгчдийг дэмжих уулзалт зөвлөгөөнд Баялаг бүтээгчдийг дэмжих холбооны Ерөнхийлөгч Ч.Даваабаяр, Баялаг бүтээгчдийг дэмжих холбооны Гүйцэтгэх захирал Н. Ганболд. Өвөрхангай аймгийн Бат-Өлзий сумын удирдлага, жижиг дунд үйлдвэрийн хэлтсийн мэргэжилтнүүд болон баялаг бүтээгч 800 гаруй иргэн оролцлоо.

Өвөрхангай аймгийн Бат-Өлзий сум нь 1924 онд байгуулагдсан, хуучнаар  Сайн ноён хан аймгийн  зүүн захын хошуу. Өвт, Бүрэгтий, Улаан ам, Зөрүүлэг, Хүйтэн булаг  гэсэн  таван багийн  нийт  2087 өрхөд 6616 хүн амьдардаг.

 

Сумын нийт орлого нь 93.2 сая төгрөг бөгөөд улсын төвлөрсөн төсвийн шилжүүлэг 154.2 сая төгрөг, сумын өөрийн орлого 60000  төгрөгийн орлогоос бүрддэг.

 

 

 

  Тус суманд  34 жижиг дунд үйлдвэрлэл бий болсон. Үүнд газар тариалан, фермер, мод модон эдлэл, барилгын материалын үйлдвэрлэл, ахуйн үйлчилгээ, гар урлал, аялал жуулчлал, үйлдвэр үйлчилгээний  чиглэлээр  үйлдвэрлэл бий болж  тус сумын дэд бүтцэд томоохон нөлөө үзүүлдэг аж.