Масс агентлагийн хэрэгжүүлж буй Баялаг бүтээгчдийг дэмжинэ төслийнхөн Өвөрхангай аймгийн Хайрхандулаан суманд баялаг бүтээгчдийн уулзалт зөвлөгөөнөө зохион байгууллаа.

Богд суманд болсон уулзалтанд Баялаг бүтээгчдийг дэмжих холбооны Ерөнхийлөгч Ч.Даваабаяр, Баялаг бүтээгчдийг дэмжих холбооны Гүйцэтгэх захирал Н. Ганболд, Өвөрхангай аймгийн Хайрхандулаан сумын удирдлага, жижиг дунд үйлдвэрийн хэлтсийн мэргэжилтнүүд боон баялаг бүтээгч иргэд оролцлоо. 

Хайрхандулаан сум нь үе залгамжилсан Халхын сайн ноёны хошууны гол сум. Их хамжлагынхан болоод зүүн сумын хагасыг хамарсан нутаг бөгөөд 1921 оны Ардын хувьсгалын дараа  нутаг хошууны нэрийг өөрчлөхөд Доной бэйсийн саналаар үе дамжсан Сайн ноёны шүтээн байсан Хан хөгшин уулаараа нутаг хошуугаа нэрлүүлсэн, ард түмэн нь үе үеэрээ амьдран буй хангай, хээр хосолсон нутаг юм.

Засаг захиргааны шинэ зохион байгуулалт явагдсан 1931 онд Өвөрхангай аймаг байгуулахад 7 сумыг нэгтгэж Хайрхандулаан, Гүннарийн гэсэн 2 сум болгон байгуулсан байна. Гүннарийн сумыг 1961 онд Хайрхандулаан суманд нэгтгэжээ.

 Бурхант, Нарт, Эмээлт, Дэрсэн хонхор, Аргуйт, Марзат гэсэн  6 багийн  нийт   1014 өрхөд 3298 хүн амьдардаг, 179062 толгой малтай.

Сумын газар нутаг дээгүүр Арвайхээр- Баянхонгорын чиглэлийг  холбосон улсын чанартай 77 км авто зам дайран өнгөрдөг. Багууд хоорондоо   шороон замаар холбогддог юм.

Баялаг бүтээгчдийг дэмжих уулзалтад оролусон иргэд иргэндээ хүрсэн төсөл хэрэгжүүлж буй Масс агентлагийн хамт олон болон Баялаг бүтээгчдийг дэмжих холбооны Ерөнхийлөгч Ч.Даваабаярт талархал илэрхийлж, амжилт хүслээ.