Масс агентлагаас санаачилан хэрэгжүүлж буй "Баялаг бүтээгчдийг дэмжинэ" төсөл хөтөлбөрийн хүрээнд Баялаг бүтээгч сэтгүүл хэвлэгдэж, өнөөдөр төрийн түшээдэд тараагдлаа. Төсөл хөтөлбөрийн талаар УИХ-ын гишүүн Д.Сарангэрэл өөрийн саналаа илэрхийлснийг хүргэе.

Тэрбээр "Ерөнхий сайд Ч.Сайханбилэг томилогдохдоо “Улс эх орныхоо эдийн засгийн хямралаас гаргахдаа үндэсний баялаг бүтээгчдэдээ түшиглэнэ” гэж хэлсэн. Тиймээс энэ чиглэлийн олон ажил хийх байх гэж хүлээж байсан. Гэтэл үүнээс өмнө “Масс агентлаг”-ийн хамт олон “Баялаг бүтээгчдийг дэмжинэ” төсөл хөтөлбөрийг хэрэгжүүлж, үүнийг орон даяар үндэсний үйлдвэрлэгчид уухайлан түрж дэмжиж байгаад баяртай байна. Монгол Улсын эдийн засаг бизнес эрхлэгчид, аж ахуйн нэгжүүд дээр тогтоно гэдэгт би эргэлздэггүй. Тиймээс цаашид энэхүү төсөл баялаг бүтээж буй хүмүүст бодит өөрчлөлтийг авчрахад чиглэгдээсэй гэж хүсч байна. Өөрөөр хэлбэл, татварын дарамт,  хяналт шалгалт гээд тоолбол олон бэрхшээл бий. Үүнийг багасгахад чиглэгдээсэй гэж бодож байна. Ерөнхийлөгч, Ерөнхий сайд, УИХ-аар тогтохгүй манай хэвлэл мэдээллийн салбар ч эдийн засгийн тулгуур болсон үйлдвэрлэгчдэд  үнэтэй хувь нэмэр оруулж байгаад баяртай байна. Танай төсөл, хөтөлбөрийг дэмжин оролцоход бэлэн байна. Баяр хүргэе, амжилт хүсье" гэлээ.