Монгол Улсын Эрдмийн Их сургуулийн докторын зэрэг хамгаалуулах зөвлөлийн хуралдаан Эрдмийн ордонд зохион байгуулагдлаа. Тус сургуулийн докторант О.Батсайхан "Жижиг, дунд үйлдвэрийн кластерыг судалсан нь" сэдвээр Доктор (Ph.D)-ын зэрэг амжилттай хамгааллаа. Тус судалгааны ажилд Доктор (Ph.D), профессор Ч.Даваабаяр удирдагч багшаар, Доктор (Ph.D), профессор А.Гэлэгжамц чиглүүлэгч багшаар ажиллан шинжлэх ухааны салбарт нэгэн шинэ судлаач нэмэгдэхэд хувь нэмрээ орууллаа.
Зөвлөлийн гишүүд:
- Монгол Улсын Эрдмийн Их сургуулийн захирал Доктор (Sc.D), профессор Ч.Зэгиймаа
- Доктор (Sc.D), профессор Л.Оюун
- Доктор (Sc.D), профессор Х.Батцэнгэл
- Доктор (Ph.D), профессор Ц.Агиймаа
- Доктор (Ph.D) А.Огторгуймаа
- Доктор (Ph.D), профессор Лю Ясонг
- Доктор (Ph.D), профессор З.Сүхбаатар
- Доктор (Ph.D), профессор Л.Дондог
- Доктор (Ph.D), профессор Ч.Даваабаяр
- Доктор (Ph.D), профессор А.Гэлэгжамц
- Доктор, профессор Х.Пүрэвдагва
- Доктор, профессор П.Лхагвасүрэн нар оролцлоо.
"Жижиг, дунд үйлдвэрийн кластерыг судалсан нь" сэдэвтэй судалгааны ажил нь ЖДҮҮ-г хөгжүүлэхэд маш том түлхэц болохуйц бүтээл болсон гэдгийг тус сургуулийн эрдэмтэд онцолж байлаа. Мөн ЖДҮҮ салбар нь өөрөө аливаа улсын нийгэм, эдийн засгийн томоохон хэсгийг бүрдүүлдэг, хөгжлийг тодорхойлдог хүчин зүйл учир уг судалгааны ажил ихээхэн ач холбогдолтой гэлээ.
ЖДҮҮ салбарыг кластераар хөгжүүлснээр улс орны хөгжил хурдсаж, олон ажлын байр бий болж, бизнес эрхлэгчид хамтран хөгжих боломж нээгдэж, цаашлаад олон улсад гарах, бараа бүтээгдэхүүнээ экспортлох, онлайн зах зээлд шилжих гэх мэт ихээхэн чухал нөлөөтэй билээ.
