“Төсөв-2023” олон нийтийн хэлэлцүүлэг Төрийн ордонд боллоо. Уг хэлэлцүүлэгт “Баялаг бүтээгчдийг дэмжих холбоо”-ны Дэд тэргүүн Б.Батдэлгэр, Гүйцэтгэх захирал Б.Сэржмядаг нар оролцлоо.


2019 онд “Жижиг, дунд үйлдвэр, үйлчилгээг дэмжих” хууль баталсан. Уг хуулиар жижиг, дунд үйлдвэр, үйлчилгээ эрхлэгчдийн эрх ашгийг хамгаалж, тэдэнд дэмжлэг үзүүлэх ёстой. Гэтэл төр хуулиар хүлээсэн үүргээ биелүүлэхгүй байгааг шүүмжлээд, хуулиар оноогдсон эрхээ эдэлж, хуулиа биелүүлээч ээ гэдгийг “Баялаг бүтээгчдийг дэмжих холбоо”-ноос сануулж, баялаг бүтээгчдийнхээ өмнөөс дуу хоолойгоо хүргэсэн юм.


Мөн “Баялаг бүтээгчдийг дэмжих холбоо”-ны дэд тэргүүн Б.Батдэлгэр, “Улсын төсвийн талаар олон нийтийн нээлттэй хэлэлцүүлэг хийж, иргэдийг дуу хоолойг сонсож байгаад нь талархаж байна. Урьд өмнөх жилүүдээсээ шинэлэг, нааштай хэлэлцүүлэг болж байна” гэлээ.

Уг хэлэлцүүлгээр гарааны компаниудын орлогод ноогдох албан татварыг байгуулагдсанаас хойш 5 жилийн хугацаанд бүрэн хөнгөлж, энэ хугацаа 3 жил байсныг 5 жил болгон нэмэгдүүлж байгааг сангийн сайд хэллээ.
Үүний дээр нээлттэй компаниудын хувьцааны ногдол ашгийг бууруулна гэлээ. Тодруулбал, уг татвар дотоодод 10 хувь, гадаадад 20 хувь байдгийг жигд 5 хувь болгон  бууруулахаар тусгажээ.