Монгол Улсын Засгийн газрын хэрэгжүүлэгч агентлаг, Жижиг, дунд үйлдвэрийн газар, “Мишээл экспо” ХХК, БНСУ дахь Монгол иргэдийн холбоо хамтран Монгол Улсаас БНСУ-д суугаа Элчин Сайдын яам, БНСУ-ын Түндэмүн дүүргийн захиргааны дэмжлэгтэйгээр “Монгол Улсад Үйлдвэрлэв-2022, БНСУ-д” үзэсгэлэн худалдаа, бизнес форумыг хоёр дахь жилдээ БНСУ-ын Сөүл хотод зохион байгуулж байна.

Бизнес форум аравдугаар сарын 6-ны өдөр болсон бол 7-9-ний өдрүүдэд Сөүл хотын Түндэмүн дүүрэгт болох юм.
Өчигдөр болж өндөрлөсөн бизнес уулзалтад хоёр орны бизнес эрхлэгчдээс гадна Жижиг, дунд үйлдвэрийн газрын Бодлого зохицуулалтын хэлтсийн дарга А.Гэрэлзаяа, Монгол Улсаас БНСУ-д суугаа ЭСЯ-ны худалдаа, эдийн засгийн зөвлөх Б.Оргилдорж, Баянгол дүүргийн ЖДҮД төвийн дарга Ч.Чойдог, Тундэмүн дүүргийн Иргэдийн хурлын төлөөлөгчид болон албаны бусад хүмүүс оролцлоо.

Форумын үеэр хоёр орны худалдаа, хөрөнгө оруулалтын орчны талаар танилцуулга, мэдээлэл хийснээс гадна бизнес эрхлэгчид хамтран ажиллах санал солилцов.
Уулзалтад оролцсон ноос ноолуур болон уламжлалт эм, гоо сайхны бүтээгдэхүүн үйлдвэрлэгч
Одь тана ХХК, Ноён кашемир ХХК, Зузу бренд, БНСУ-ын талаас On trade LLC, Jupiter Global LLC, Mongol tsetseg LLC-тэй хамтын ажиллагааны Санамж бичигт гарын үсэг зурлаа.

 Эх сурвалж: Жижиг, дунд үйлдвэрийн газар