Дэлхийн ЖДҮ-ийн Санхүүгийн Форум-2022 Вашингтон ДС-д зохион байгуулагдлаа. Камбожийн Үндэсний банк, Олон улсын санхүүгийн корпорацтай хамтран зохион байгуулсан гурван өдрийн форумд 180 гаруй банк болон зохицуулах агентлагийн 350 гаруй удирдагч, ахлах албан тушаалтнууд биечлэн оролцов. Мөн  Ази, Африк, Европ, Ойрхи Дорнод, Өмнөд Америкийн 60 гаруй улсын 280 гаруй ЖДҮ-ийн санхүүжилтийн мэргэжилтнүүд оролцлоо.



Тус форумд оролцсон мэргэжилтнүүд жижиг, дунд үйлдвэр эрхлэгчид тогтвортой, хүртээмжтэй санхүүжилттэй болохын тулд дижитал технологийг ашиглах нь хамгийн үр дүнтэй арга гэдгийг онцоллоо. Мөн мэргэжилтнүүд шинээр гарч ирж буй дижитал технологиудыг хэрхэн ашиглах талаар туршлагуудаа хуваалцав. Энэ үеэр 2022 оны “Global SME Finance Award”-ийн ялагчдыг тодрууллаа.



Гурван өдөр үргэлжилсэн чуулга уулзалтаар ЖДҮ эрхлэгчдийн санхүүжилтийг сайжруулах, тогтолцоог шинэчлэх зэрэг өргөн хүрээтэй асуудлуудыг хэлэлцсэн юм. ЖДҮ-ийн санхүүжилтийн форум нь жижиг, дунд бизнес эрхлэгчдийн санхүүжилтийн хүртээмжийг өргөжүүлэх зорилготой ажилладаг. ЖДҮ-ийн өсөлтийг дэмжих зорилгоор санхүүгийн байгууллагууд болон технологийн компаниудыг нэгтгэсэн дэлхийн гишүүнчлэлийг сүлжээг бий болгосон байна.

Source: SME FINANCE FORUM