“Баялаг бүтээгчдийг дэмжих холбоо” нь 21 аймаг, 330 сумд салбар төлөөлөгчтэй Монголын хамгийн идэвхтэй ТББ-ын нэг юм. Энэхүү байгууллага нь олон төрлийн арга хэмжээ зохион байгуулж, ЖДҮҮ болон бизнес эрхлэгчдийг олон нийтэд таниулан сурталчилдаг. Үүний үр дүнд “Баялаг бүтээгчдийг дэмжих холбоо”-ны гишүүд өдрөөс өдөрт нэмэгдэж, үйл ажиллагааны цар хүрээ тэлж байна.
Тухайлбал өнөөдрийн уулзалтын салхийг хагалж холбооны Ерөнхийлөгч Ч.Даваабаяр “Миний гутал” компанийн Гүйцэтгэх захирал Э.Түвшинтулга, Маркетингийн албаны дарга Б.Хоролсүрэн нарыг хүлээн авч уулзлаа.
“Миний гутал” компани нь 2011 онд гутлын засвар үйлчилгээний чиглэлээр үйл ажиллагаагаа эхлүүлж байсан бол 2017 онд гутлын үйлдвэрлэл хийж эхлэн үйл ажиллагаагаа өргөжүүлсэн байна. Өнөөдрийн байдлаар өдөрт 100-120 гутал үйлдвэрлэх хүчин чадалтай бөгөөд монгол хүний эрүүл мэндэд тустай чийг татахгүй гутал хийдэг онцлогтой юм.