“Баялаг бүтээгчдийг дэмжих холбоо” ГҮТББ “Монре Даатгал” ХХК-тай хамтран ажиллах санамж бичиг байгууллаа
Хамтран ажиллах санамж бичгийн хүрээнд харилцан бие биенээ дэмжих, ЖДҮҮ эрхлэгчдэд чиглэсэн даатгалын үйлчилгээний талаар мэдээллийг олон нийтэд хамтран түгээх, холбогдох үйл ажиллагааг өргөн хүрээнд хамтран зохион байгуулахаар болж байна.
Монре Даатгал ХХК нь 1995 онд байгуулагдаж өнөөг хүртэл амжилттай үйл ажиллагаа явуулж байгаа Монголын даатгалын ууган компаниудын нэг юм.
Тус компани байгуулагдсан цагаасаа хойш дотоод болон гадаадын төрөл бүрийн томоохон төсөл хөтөлбөрүүдэд байнга оролцож ирсэн бөгөөд 2012 оноос Дэлхийн банкнаас хэрэгжүүлж буй "Малын Индексжүүлсэн Даатгал" төсөлд шалгарч орон нутаг дахь салбаруудаараа дамжуулан Малын эрсдлийн даатгалын бүтээгдэхүүнийг борлуулж байна. 2012 оны жилийн эцсийн байдлаар манай компани 32,800 орчим иргэн, 1,650 орчим даатгалын үйлчилгээг үзүүлж байнгын харилцаатай хамтран ажиллаж байна.