БОАЖ-ын сайд Б.Бат-Эрдэнэ ажлаа аваад сар илүү болж байгаа. Энэ хүрээнд хамтарч ажиллах зөвлөхүүдээ сонгоод байна. Тухайлбал, аялал жуулчлалын салбар дахь үйлдвэр,үйлчилгээний зөвлөхөөр “Баялаг бүтээгчдийг дэмжих холбоо”-ны Ерөнхийлөгч Ч.Даваабаяр томилогджээ.
Б.Бат-Эрдэнэ өмнө нь ШӨХТГ-ын даргаар ажиллаж байхдаа тендер сонгон шалгаруулалтыг шударга болгох,тусгай зөвшөөрөл, лицензийн тоог бууруулах заримыг нь цуцлахын төлөө, ЖДҮҮ бизнес эрхлэгчдээ дэмжин ажиллаж энэ хүрээнд Баялаг бүтээгчдийг дэмжих холбоотой хамтран гар нийлж ажиллаж байсан туршлагатай.
Тодруулбал, ил задгай махны худалдааг хориглох шийдвэр гаргаж, 2021 онд “ЖДҮҮ -Цар тахал ба эдийн засаг” нэгдсэн форум хамтран зохион байгуулсан бол 2022 онд ШӨХТГ-ын дэргэд “Мэргэжлийн нэгдсэн холбоодын зөвлөл”-ийг байгуулж форум , хэлэлцүүлгүүд зохион байгуулж үйлдвэр, үйлчилгээ эрхлэгчдийн тулгамдсан асуудлуудыг төрд хүргэсэн юм.
Байгаль орчин аялал жуулчлалын салбар цар тахлын нөлөөгөөр сүүлийн хоёр жил боловсон хүчнээ алдан ТЭГ зогсолт хийж,захиалагчгүй болж алдагдалд орж хүндэрсэн. Тэгвэл саяхан Ерөнхий сайд хилээ нээж, дэлхийн бүх улсад үүд хаалгаа нээснээр энэ салбар өндийх боломж бүрдэж байгаа юм. Аялал жуулчлалын салбарыг даган үзвэр үйлчилгээ, үйлдвэрлэлийн салбар хөгждөг. Иймээс ч энэ хүрээнд Аялал жуулчлалыг дагасан ЖДҮҮ хөгжүүлэхийн төлөө зөвлөх Ч.Даваабаяртай гар нийлэн шуурхай ажиллах боломжтой.
